Προβολή Τραγουδιού
Εφαρμάκωσες την ψ̌η μ’ |
Ανθρώπ’ς θέλω ολόερα μ’Στιχουργοί: Γιώργος Νικολαΐδης
Συνθέτες: Παραδοσιακό
Καλλιτέχνες: Γιώργος Νικολαΐδης, Μπάμπης Κεμανετζίδης, Φάνης Κουρουκλίδης
Εφαρμάκωσες την ψ̌η μ’ Ντό εφέκες με, πουλί μ’; Και -ν- εμέναν θα μαραίντς, την καρδία μ’ θα τελέντς Εφαρμάκωσες την ψ̌η μ’ ντ’ έφυες ας σο γιάνι μ’ ’Γώ επέμ’να μαναχός, για τ’ εσέναν ορφανός Εφαρμάκωσες την ψ̌η μ’, θ’ αποθάνω, νε γιαβρί μ’ Κλώστ’ οπίσ’, λελεύω σε, δος με ολιγόπον ζωήν Έλα-έλα, κορτσόπον, κάθκα σο γιάνι μ’ καικά ’Κι τερείς τα δα̤κρόπα μ’ κι εσύ κάθεσαι μακρά; ’Κι τερείς τα δα̤κρόπα μ’, τερείς με -ν- από μακρά
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αποθάνω | πεθαίνω | ||
| ας σο | απ’ το | ασό σο (από το) | |
| γιαβρί | μωρό, μικρό, παιδί | yavru | |
| γιάνι | πλάι, πλευρό | yan | |
| δα̤κρόπα | (υποκορ.) δάκρυα | ||
| δος | δώσε | ||
| επέμ’να | απόμεινα | ||
| εφαρμάκωσες | φαρμάκωσες | ||
| εφέκες | άφησες | ||
| έφυες | έφυγες | ||
| κάθκα | (προστ.) κάθισε | ||
| καικά | προς τα κάτω, εκεί ακριβώς, κοντά | ||
| ’κι | δεν | οὐκί<οὐχί | |
| κλώστ’ | (προστ.) γύρνα/γύρισε, επέστρεψε | ||
| κορτσόπον | κοριτσάκι | ||
| λελεύω | χαίρομαι | ||
| μακρά | (επιρρ.) μακριά, (επιθ.) μακρινά, απομακρυσμένα | ||
| μαναχός | μοναχός, μόνος | ||
| μαραίντς | μαραίνεις | ||
| ολιγόπον | λιγουλάκι | ||
| οπίσ’ | πίσω | ||
| τελέντς | (μεταβ.) τελειώνεις κτ | ||
| τερείς | κοιτάς | ||
| ψ̌η | ψυχή |
