Προβολή Τραγουδιού
Ποίος επορεί σον κόσμον; |

Στιχουργοί: Βασίλης Μωυσιάδης
Συνθέτες: Θεόδωρος Στεφανίδης, Παραδοσιακό
Καλλιτέχνες: Γιώργος Νικολαΐδης, Φάνης Κουρουκλίδης
Ποίος επορεί σον κόσμον να λαρών’ α̤’ τη γερὰ μ’ και να εγροικά τον πόνο μ’, να φέρ’ με ξαν την χαράν Όλον ο κόσμον, πουλόπο μ’, ’κ’ επορεί εμέν να σών’ Να ενούνταν χ̌ίλ’ κι αξίζ’νε μ’ έναν τέρεμαν τ’ εσόν Έναν ανθρωπίαν μόνον για νούντσον και κλώστ’ οπίσ’ Θεού πλάσμαν είμαι, ταίρι μ’, άλλο εμέν μη τυρα̤ννί͜εις Απ’ εσέναν να λαρούται, αούτο το ψ̌όπο μ’ θέλ’ Για να παίρτς α’ ’κ’ έν’ δουλεία σ’, για τ’ ατό είν’ οι αγγέλ’
Κείμενο | Επεξήγηση | Ετυμ. Ρίζα | Προέλευση |
---|---|---|---|
α’ | (ατό) αυτό, το | ||
α̤’ | (α̤τό) αυτό, το | ||
αγγέλ’ | (ονομ. πληθ.) άγγελοι, (γεν.) αγγέλου | ||
ανθρωπίαν | ανθρωπιά | ||
αούτο | αυτό/ή | ||
γερὰ | πληγή, τραύμα | yara | |
δουλεία | δουλειά, εργασία | ||
εγροικά | καταλαβαίνει | ||
είν’ | (για πληθ.) είναι | ||
έν’ | είναι | ||
ενούνταν | ενώνονται | ||
επορεί | μπορεί | ||
εσόν | δικός/ή/ό σου | ||
’κ’ | δεν | οὐκί<οὐχί | |
κλώστ’ | (προστ.) γύρνα/γύρισε, επέστρεψε | ||
λαρούται | γιατρεύεται, θεραπεύεται | ||
λαρών’ | γιατρεύει, θεραπεύει | ||
νούντσον | (προστ.) σκέψου | ||
ξαν | πάλι, ξανά | ||
οπίσ’ | πίσω | ||
παίρτς | παίρνεις | ||
ποίος | (ερωτημ.) ποιός, (αναφ.αντων.) όποιος | ||
πουλόπο | πουλάκι | ||
τέρεμαν | βλέμμα, κοίταγμα, μτφ. φροντίδα | ||
τυρα̤ννί͜εις | τυραννάς, ταλαιπωρείς | ||
φέρ’ | φέρνω/ει | ||
χ̌ίλ’ | χίλιοι/ες/ια | ||
ψ̌όπο | ψυχούλα |