Ποντιακός Στίχος

Προβολή Τραγουδιού

Κατεβάστε τους στίχους σε PDF

Σ’ εγάπ’ς τα μονοπάτι͜α

Σ’ εγάπ’ς τα μονοπάτι͜αΣ’ εγάπ’ς τα μονοπάτι͜α

Στιχουργοί: Μαρία Αθανασιάδου-Ποικιλίδου

Συνθέτες: Χάρης Αθανασιάδης

Καλλιτέχνες: Γαβρίλος Σιδηρόπουλος, Χάρης Αθανασιάδης


Σ’ εγάπ’ς τα μονοπάτι͜α
είδα τ’ εσά τ’ ομμάτι͜α
Εμέν επρωτολάλεσαν
ση σεβτάς τα παλάτι͜α

Δίγω σε την ψ̌η μ’,
σύρω δίψαν σην βρεχ̌ήν
Ατό για τ’ εσέν γουρπάν’!
Έπαρ’ το, δος με χαράν

Να μη γιανί͜εις, καρδία μ’
σα χ̌ίλι͜α χρόνι͜α μίαν
Ευρήκ’ς που αγαπά σε, ψ̌η μ’,
όλια να συχωρά σε

Δίγω σε την ψ̌η μ’,
σύρω δίψαν σην βρεχ̌ήν
Ατό για τ’ εσέν γουρπάν’!
Έπαρ’ το, δος με χαράν

Με τον φέγγον εγκάλι͜α
τη ’μέραν παρακάλι͜α
Τ’ εγάπ’ς τρανά παλάτι͜α, ψ̌η μ’,
κρεμίζ’νε τα γινάτι͜α

Δίγω σε την ψ̌η μ’,
σύρω δίψαν σην βρεχ̌ήν
Ατό για τ’ εσέν γουρπάν’!
Έπαρ’ το, δος με χαράν

Δίγω σε την ψ̌η μ’,
σύρω δίψαν σην βρεχ̌ήν
Ατό για τ’ εσέν γουρπάν’!
Έπαρ’ το, δος με χαράν
Γλωσσάρι
ΚείμενοΕπεξήγησηΕτυμ. ΡίζαΠροέλευση
βρεχ̌ήνβροχή
γιανί͜ειςπαρεκκλίνεις στο πλάι yan+-ίζω
γουρπάν’θυσία kurban/ḳurbān
δίγωδίνω
δοςδώσε
εγάπ’ςαγάπης
εγκάλι͜ααγκαλιά
έπαρ’(προστ.) πάρε
επρωτολάλεσανπρωτοκάλεσαν
εσάδικά σου/σας
ευρήκ’ςβρίσκεις
κρεμίζ’νεγκρεμίζουν, ρίχνουν κάποιον
μίανμια φορά
όλιαόλα
ομμάτι͜αμάτια
σεβτάςαγάπης, έρωτα sevda/sevdā
σύρωσέρνω, τραβώ, ρίχνω
τρανάμεγάλα
φέγγονφεγγάρι
ψ̌ηψυχή

Ποντιακός Στίχος - Pontian Lyrics 2025

Τραγούδια: 9577 | Albums/Singles: 1696 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr