Ποντιακός Στίχος

Προβολή Τραγουδιού

Κατεβάστε τους στίχους σε PDF

Αγροθερίον

Για να μην ξεχνώ, θυμάμαιΓια να μην ξεχνώ, θυμάμαι

Στιχουργοί: Νίκος Σωτηριάδης

Συνθέτες: Κώστας Αγέρης

Καλλιτέχνες: Κώστας Αγέρης, Στάθης Νικολαΐδης


Αούτο τ’ εσόν η σεβντά
τρανόν κι αγροθερίον
Καρδίας αποκαρτελίζ’
και ’κι πονεί ολίγον

Αγροθερίον ’ίνουμαι,
αγρεύω, παλαλούμαι
Απέσ’ σ’ εγκάλια σ’ μαναχόν
έρχουμαι ημερούμαι

Σην ερημίαν κάθουμαι,
κανέναν ζόρ’ πα ’κ’ έχω
Ση καρδι͜άς ι-σ’ το κούισμαν,
αμὰν σ’κούμαι και τρέχω

Αγροθερίον ’ίνουμαι,
αγρεύω, παλαλούμαι
Απέσ’ σ’ εγκάλια σ’ μαναχόν
έρχουμαι ημερούμαι

Τα σ̌ερπετένι͜α χ̌ειλόπα σ’,
αρνί μ’, χαβεζλεεύω
και το γλυκύν το τέρεμα σ’
να ψαλαφώ γιλεύω

Αγροθερίον ’ίνουμαι,
αγρεύω, παλαλούμαι
Απέσ’ σ’ εγκάλια σ’ μαναχόν
έρχουμαι ημερούμαι

Με τη σεβτι͜άς ι-σ’ το τακάτ’
τον κόσμον γυροκλώθω
Όλια τα ποταμόνερα
σταλίζω κι οπίσ’ κλώθω

Αγροθερίον ’ίνουμαι,
αγρεύω, παλαλούμαι
Απέσ’ σ’ εγκάλια σ’ μαναχόν
έρχουμαι ημερούμαι
Γλωσσάρι
ΚείμενοΕπεξήγησηΕτυμ. ΡίζαΠροέλευση
αγρεύωαγριεύω, εξαγριώνομαι, φοβάμαι
αγροθερίονάγριο θηρίο, μτφ. άνθρωπος που εμπνέει φόβο
αμὰναμέσως, ευθύς, μονομιάς hemen/hemān
αούτοαυτό/ή
απέσ’μέσα
αποκαρτελίζ’κομματιάζει, καταξεσκίζει
γιλεύωφοβάμαι, διστάζω yılmak
γλυκύνγλυκιά/ό
γυροκλώθωγυρίζω, στρέφω, αντιστρέφω, κλωθογυρίζω, στριφογυρίζω
εγκάλιααγκαλιά
έρχουμαιέρχομαι
εσόνδικός/ή/ό σου
ζόρ’ζόρι zor/zūr
ημερούμαιημερώνομαι, εξημερώνομαι
’ίνουμαιγίνομαι
’κ’δεν οὐκί<οὐχί
καρδίας(τη, γεν.) καρδιάς, (τα, ονομ. πληθ.) καρδιές
’κιδεν οὐκί<οὐχί
κλώθωκλώθω, γυρνώ
κούισμανκάλεσμα
μαναχόν(έναρθρο) μοναχός, μοναχό, (επίρρ) μόνο/μοναχά
όλιαόλα
ολίγονλίγο
οπίσ’πίσω
παπάλι, επίσης, ακόμα
παλαλούμαιτρελαίνομαι
σεβντάαγάπη, έρωτας sevda/sevdā
σεβτι͜άςαγάπης, έρωτα sevda/sevdā
σ̌ερπετένι͜αγλυκά şerbet/şarbat
σ’κούμαισηκώνομαι
σταλίζωστήνω κτ όρθιο, εμποδίζω κπ να προχωρήσει, σταματώ
τακάτ’δύναμη, αντοχή takat/ṭāḳat
τέρεμαβλέμμα
χ̌ειλόπαχειλάκια
χαβεζλεεύωαπολαμβάνω κτ, γουστάρω heveslenmek
ψαλαφώζητώ, αιτούμαι

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr