Ποντιακός Στίχος

Προβολή Τραγουδιού

Κατεβάστε τους στίχους σε PDF

Λιβωμένον καρδόπο μ’

Λιβωμένον καρδόπο μ’Λιβωμένον καρδόπο μ’

Στιχουργοί: Αλέξανδρος Παρχαρίδης

Συνθέτες: Αλέξανδρος Παρχαρίδης

Καλλιτέχνες: Αναστάσιος Παρχαρίδης, Βασίλης Φωλίνας, Γιάννης Σανίδης


Σ’ ωτία μ’ έρχουν τα λόγ̆ια σ’
και σ’ ομμάτι͜α μ’ εικόνας
«Εγάπη μ’», όντες έλεες
κι εφίλ’να απέσ’ σο στόμα σ’

Κι εσύ πουθέν πα κείσαι!
Βάι! λιβωμένον καρδόπο μ’,
λύεσαι και τελείσαι!

Θυμούμαι τα σ̌ορνέματα σ’
ίλιαμ τα αφορμάσ̌ι͜α σ’
Τον φέγγον πώς ετέρ’ναμε
με το στέρνο μ’ ση ράχ̌ι͜α σ’

Κι εσύ πουθέν πα κείσαι!
Βάι! λιβωμένον καρδόπο μ’,
λύεσαι και τελείσαι!

Εθαρρώ χαντυλλιάζ’νε με
τα μαύρα τα μαλλία σ’
κι ο κόσμον όλιον σκουτουλίζ’
αρ’ ας σην ευωδία σ’

Κι εσύ πουθέν πα κείσαι!
Βάι! λιβωμένον καρδόπο μ’,
λύεσαι και τελείσαι!
Γλωσσάρι
ΚείμενοΕπεξήγησηΕτυμ. ΡίζαΠροέλευση
απέσ’μέσα
αφορμάσ̌ι͜αυποκρισίες, προφάσεις, ψεύτικες δικαιολογίες
εγάπηαγάπη
εθαρρώθαρρώ, νομίζω, υποθέτω
εικόνας(ονομ. πληθ., τα) εικόνες
έλεεςέλεγες
έρχουνέρχονται
ετέρ’ναμεκοιτούσαμε
εφίλ’ναφιλούσα
θυμούμαιθυμάμαι
ίλιαμπροπαντώς, ιδιαίτερα, ειδικά illa/illā
καρδόποκαρδούλα
κείσαικείτεσαι, ξαπλώνεις
λιβωμένονσυννεφιασμένο λίβος<λείβω
λύεσαιλιώνεις
όλιονόλο, ολόκληρο
ομμάτι͜αμάτια
όντεςόταν
παπάλι, επίσης, ακόμα
πουθένπουθενά
ράχ̌ι͜αράχη, πλάτη
σκουτουλίζ’ευωδιάζει, μοσχοβολάει
σ̌ορνέματαχοροπηδήματα από χαρά
τελείσαιτελειώνεις, εξαντλείσαι
φέγγονφεγγάρι
χαντυλλιάζ’νεγαργαλάνε, μτφ. θαμπώνουν
ωτίααυτιά

Ποντιακός Στίχος - Pontian Lyrics 2025

Τραγούδια: 9577 | Albums/Singles: 1696 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr