Έλα, πουλί μ’, να χαίρουμες

Προβολή Τραγουδιού

Καλλιτέχνες: Μιχάλης Τσανασίδης, Χρήστος Λαζαρίδης

Έλα, πουλί μ’, να χ̌αίρουμες
η ζωή έν’ ολίγον
Τρία χρόνι͜α εγάπανες
ατώρα λες με «οφύγον»

Άσπρον λετσ̌έκ’ αγόρασον
να μη ελέπ’ σε ο ήλιον
Να είσαι πάντα έμορφον
κόκκινον κι άμον μήλον

Πουλόπο μ’, είσαι έμορφον
όλ’ για τ’ εσέν λιγούνταν
Ποίσον τα τσάμα̤ς σ’ μαξιλάρ’
ας κείνταν και κοιμούνταν

Χαρίκλη μ’, τα ιδρώματα σ’
διαμαντένια τα δάκρυ͜α σ’
Εγένταν σέλια και νερά
σου παρχαρί’ τα στράτας

Γλωσσάρι

Κείμενο	Επεξήγηση	Ετυμ. Ρίζα
αγόρασον	(προστ.) αγόρασε
άμον	σαν, όπως, καθώς	ἅμα
ατώρα	τώρα
εγάπανες	αγαπούσες
εγένταν	έγιναν
ελέπ’	βλέπει/βλέπω
έμορφον	όμορφο
έν’	είναι
κείνταν	κείτονται, ξαπλώνουν
κοιμούνταν	κοιμούνται
λετσ̌έκ’	γυναικείο μαντίλι που χρησίμευε ως κάλυμμα κεφαλής δεμένο σε σχήμα τριγώνου	leçek<laçak
λιγούνταν	επιθυμούν κτ σφοδρά, χάνουν τις αισθήσεις τους, λιποθυμούν
όλ’	όλοι/α
ολίγον	λίγο
οφύγον	(προστ.) φύγε
παρχαρί’	θερινού βοσκότοπου (παρχαριού)
ποίσον	(προστ.) κάνε, φτιάξε	ποιέω, ποιῶ
πουλόπο	πουλάκι
σέλια	χείμαρροι, πλημμύρες	sel/seyl
στράτας	(ονομ.) δρόμοι, (αιτ.) δρόμους
τσάμα̤ς	πλεξούδες
χ̌αίρουμες	χαιρόμαστε