Προβολή Τραγουδιού
Έπαρ’ τη στράταν τσ’ εγάπ’ς |
Στιχουργοί: Σάββας Τσενεκίδης
Συνθέτες: Γιάννης Τσανασίδης
Καλλιτέχνες: Γιάννης Τσανασίδης, Γιάννης Χαραλαμπίδης, Μιχάλης Τσανασίδης
Εσύ τη Θεού το γιαβρίν το ηλιοφωταγμένον Μανάχον σ’ εγκαλιόπο μου θα είσαι αναπαμένον Πουλί μ’, δακρο̤φουρκίουμαι ας σην αροθυμίαν Έπαρ’ τη στράταν τση εγάπ’ς να χ̌αίρεται η καρδία μ’ Πουλί μ’, έλα σ’ εμέτερα η στράτα έν’ μικρίκον Έλα να αναπάεσαι σ’ εγκάλια μ’ το σερίνκον Πουλί μ’, δακρο̤φουρκίουμαι ας σην αροθυμίαν Έπαρ’ τη στράταν τση εγάπ’ς να χ̌αίρεται η καρδία μ’ Γουρτάρεψον με, πουλόπο μ’, ας ση σεβντάς τα πόνι͜α Ας σα παρακαλέματα ’τελέθανε τα χρόνι͜α Πουλί μ’, δακρο̤φουρκίουμαι ας σην αροθυμίαν Έπαρ’ τη στράταν τση εγάπ’ς να χ̌αίρεται η καρδία μ’
Κείμενο | Επεξήγηση | Ετυμ. Ρίζα | Προέλευση |
---|---|---|---|
αναπαμένον | αναπαυμένο | ||
αροθυμίαν | νοσταλγία | ||
γιαβρίν | μωρό, μικρό, παιδί | yavru | |
γουρτάρεψον | γλύτωσε κτ/κπ από, σώσε, διάσωσε (προστ.) | kurtarmak | |
δακρο̤φουρκίουμαι | πνίγομαι στα δάκρυα | ||
εγάπ’ς | αγάπης | ||
εγκάλια | αγκαλιά | ||
εγκαλιόπο | αγκαλίτσα | ||
εμέτερα | δικά μου/μας | ||
έν’ | είναι | ||
έπαρ’ | πάρε (προστ.) | ||
μανάχον | μοναχός (έναρθρο), μοναχό, μόνο/μοναχά (επίρρ) | ||
μικρίκον | μικρούλης/α/ικο | ||
παρακαλέματα | παρακαλητά, παρακλήσεις | ||
πόνι͜α | πόνοι | ||
πουλόπο | πουλάκι | ||
σεβντάς | αγάπης, έρωτα | sevda/sevdā | |
σερίνκον | δροσερό | serin/serigün | |
’τελέθανε | (ετελέθανε) τελείωσαν, εξαντλήθηκαν | ||
τση | της |