Μικρίκεσσα μ’

Προβολή Τραγουδιού

Καλλιτέχνες: Γιάννης Τσανασίδης, Λευτέρης Κοκκινίδης

Αούτο τ’ εσόν η σεβντά/εγάπ’
[μικρόν αρνί μ’/μικρίκεσσα μ’]
θα σ̌ολιατεύ’ το ψ̌όπο μ’
[έλα -ν- έλα/πάτ’ και δέβα]
Τρυγόνα μ’, ποδεδίζω σε
[νασάν εμέν!]
έλα ’μπα σ’ εγκαλιόπο μ’
[ωφ! ωφ!/έλα -ν- έλα]

Θα κουβαλώ και φέρω σε
[μικρόν αρνί μ’/μικρίκεσσα μ’]
άνθι͜α ας σην καρδία μ’
[έλα -ν- έλα]
Έπαρ’, πουλί μ’, να εγροικάς
[μικρίκεσσα μ’/μικρόν αρνί μ’]
τσ’ εγάπ’ς την ευωδίαν
[έλα -ν- έλα]

Σ̌κίσον τα παρχαρότοπα
[μικρόν αρνί μ’/μικρίκεσσα μ’]
και κάθαν ορμανόπον
[έλα -ν- έλα]
Έλα, ανέγγιχτον τσ̌ιτσ̌άκ’
[μικρόν αρνί μ’]
και ρούξον σ’ εγκαλιόπο μ’
[’μώ το νόμο σ’]

Σο γιάνι μ’ κιάν’ θα θέκω σε
[μικρίκεσσα μ’]
ας σο χ̌έρ’ να κρατείς με
[έλα -ν- έλα]
Κάθαν βραδήν όντες διψώ
[μικρόν αρνί μ’]
τα χ̌είλι͜α σ’ να χαρί͜εις με
[έλα -ν- έλα]

Γλωσσάρι

Κείμενο	Επεξήγηση	Ετυμ. Ρίζα
άνθι͜α	άνθη
αούτο	αυτό/ή
βραδήν	βράδυ
γιάνι	πλάι, πλευρό	yan
δέβα	(προστ.) πήγαινε
εγάπ’	αγάπη
εγάπ’ς	αγάπης
εγκαλιόπο	αγκαλίτσα
εγροικάς	καταλαβαίνεις
έπαρ’	(προστ.) πάρε
εσόν	δικός/ή/ό σου
θέκω	θέτω, τοποθετώ, βάζω
κάθαν	κάθε
κιάν’	και άνω, και εξής, και πέρα
’μπα	(έμπα) μπες
’μώ	(επιφ.) εκδήλωση έκπληξης, θαυμασμού ή δυσφορίας, βρε! σε καλό σου!	γαμώ
νασάν	χαρά σε
όντες	όταν
ορμανόπον	δασάκι	orman
πάτ’	(προστ.) πάτησε, πάτα
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
ρούξον	(προστ.) πέσε
σεβντά	αγάπη, έρωτας	sevda/sevdā
σ̌κίσον	σκίσε (προστ.)
τρυγόνα	το πουλί τρυγόνι, χαϊδευτική προσφώνηση γυναίκας
τσ’	(ως τση, άρθρο γεν. ενικού) του/της, (ως τσοι, άρθρο αιτ. πληθ.) τις, (ως ερωτημ. τσί;) ποιός;
τσ̌ιτσ̌άκ’	λουλούδι	çiçek
χ̌έρ’	χέρι
χαρί͜εις	χαρίζεις
ψ̌όπο	ψυχούλα