Επιτραπέζιο Ανατολικού Πόντου

Προβολή Τραγουδιού

Καλλιτέχνες: Γιώργος Ιωαννίδης, Μπάμπης Κεμανετζίδης

[Εχ! Και -ν-] Ατσ̌ά ντό έχ̌’ το καρδόπο μ’,
ντό έχ̌’ και πάντα κλαίει;
Τα τέρτι͜α και τα βάσανα
αφήστε͜ ατο ας λέει

[Εχ! Και] Τα τερτόπα μ’ αν λέγω σας
καρδίας θα μαραίνω
Θ’ αποχλοΐζω τα ραχ̌ι͜ά,
τα δέντρα θα ξεραίνω

[Ωχ! Και -ν-] Εποίκες με και λάσκουμαι
μεσανυχτί’ σκοτίαν
Παρέαν έχω το Θεόν
και τ’ άγρι͜α τα θερία

[Ωχ! Και -ν-] Εγώ για τ’ εσέν ’ίνουμαι
τσ̌ουλόπον να πατείς με
Εσύ τιδέν άλλο ’κ’ ευτάς,
μόνον κακοκαρδί͜εις με

Γλωσσάρι

Κείμενο	Επεξήγηση	Ετυμ. Ρίζα
αποχλοΐζω	κάνω κάτι να χάσει την χλόη του, χάνω τη χλόη μτφ. ξεθωριάζω, χάνω το χρώμα μου
ατσ̌ά	άραγε	acep/ʿaceb
εποίκες	έκανες, έφτιαξες	ποιέω-ῶ
ευτάς	κάνεις, φτιάχνεις	εὐθειάζω
έχ̌’	έχει
θερία	θεριά, θηρία
’ίνουμαι	γίνομαι
’κ’	δεν	οὐκί<οὐχί
κακοκαρδί͜εις	κακοκαρδίζεις
καρδίας	(τη, γεν.) καρδιάς, (τα, ονομ. πληθ.) καρδιές
καρδόπο	καρδούλα
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
μεσανυχτί’	την ώρα του μεσονυχτίου
ραχ̌ι͜ά	ράχες, βουνά
σκοτίαν	σκοτάδι
τέρτι͜α	καημοί, βάσανα, στενοχώριες	dert
τερτόπα	(υποκορ.) καημοί, βάσανα, στενοχώριες	dert
τιδέν	τίποτα
τσ̌ουλόπον	λινάτσα, (συνεκδοχικά) φτηνό ή παλιό στρωσίδι, κουρέλι	çul/cūl