Προβολή Τραγουδιού

Στομοφιλέματα

Καλλιτέχνες: Βασίλης Τοπαλίδης, Θεόδωρος Τοπαλίδης

Έι! Βαχ! Πουλόπο μ’,
τα στομοφιλέματα σ’
Δώμ’ ατα και λάρωσον
τα καρδοπονέματα σ’

Ατό η εγάπ, εθαρρείς έν’ ψέματα
την καρδι͜ά σ’ ευκαίρωσον
και ντου ’κ’ είπες πέει μ’ ατα

Έι! Βαχ! Πουλόπο μ’,
έμπα σ’ εγκαλιόπο μου
Κόνεψον σην ψ̌η μ’ απέσ’
κι άκ’σον το καρδόπο μου

Ατό η εγάπ, εθαρρείς έν’ ψέματα
την καρδι͜ά σ’ ευκαίρωσον
και ντου ’κ’ είπες πέει μ’ ατα

Έι! Βαχ! Πουλόπο μ’,
πέει με λόγια τση σεβντάς
και ο κόσμον ντο θα λέει
μη νουνί͜εις και μ’ ερωτάς

Ατό η εγάπ, εθαρρείς έν’ ψέματα
την καρδι͜ά σ’ ευκαίρωσον
και ντου ’κ’ είπες πέει μ’ ατα

Γλωσσάρι

Κείμενο	Επεξήγηση	Ετυμ. Ρίζα
άκ’σον	άκουσε (προστ.)
απέσ’	μέσα
ατα	αυτά
εγκαλιόπο	αγκαλίτσα
εθαρρείς	θαρρείς, νομίζεις, υποθέτεις
έμπα	μπες (προστ.)
έν’	είναι
ερωτάς	ρωτάς
ευκαίρωσον	άδειασε, εκκένωσε (προστ.)
’κ’	δεν	ουκί<οὐχί
καρδόπο	καρδούλα
καρδοπονέματα	πόνοι της καρδιάς
κόνεψον	εγκαταστήσου, φώλιασε, προσγειώσου (προστ.)	konmak
λάρωσον	γιάτρεψε, θεράπεψε (προστ.)
νουνί͜εις	σκέφτεσαι
ντου	που, αυτό/ά που
πέει	πες (προστ.)
πουλόπο	πουλάκι
σεβντάς	αγάπης, έρωτα	sevda/sevdā
στομοφιλέματα	φιλιά στο στόμα
τση	της
ψ̌η	ψυχή