Ποντιακός Στίχος

Προβολή Τραγουδιού

Το κατενόν το ψ̌όπο σ’

Ήχος υφαντόςΉχος υφαντός

Στιχουργοί: Αντώνης Πηλαλίδης

Συνθέτες: Παραδοσιακό

Καλλιτέχνες: Αντώνης Πηλαλίδης, Δημήτρης Ξενιτόπουλος, Μπάμπης Ιωακειμίδης


Ζαΐφκον έν’ το καρδόπο σ’,
γλυκύν έν’ τ’ εγκαλιόπο σ’
κι όλον ο κόσμον εχωρεί
σο κατενόν το ψ̌όπο σ’

Έλα τ’ εμόν παντέμορφον,
τ’ εμόν λαλαχ̌εμένον
Ομοι͜άεις σα ξένα χ̌ερόπα
πουλίν αχπαραγμένον

Άλλα νουνί͜εις κι άλλα ευτάς!
Μη σ̌ασ̌ουρεύ’ς την στράταν
κι αφήντς εμέναν τον καρίπ’
μ’ απλέρωτα μουράτι͜α!

Έλα τ’ εμόν παντέμορφον,
τ’ εμόν λαλαχ̌εμένον
Ομοι͜άεις σα ξένα χ̌ερόπα
πουλίν αχπαραγμένον

Τέρεν μη τυρα̤ννίεσαι
κι ακούς λόγι͜α τση χώρας
Όσον νουνί͜εις τη ψ̌ης τ’ απέσ’
θα καίεται παρώρας

Έλα τ’ εμόν παντέμορφον,
τ’ εμόν λαλαχ̌εμένον
Ομοι͜άεις σα ξένα χ̌ερόπα
πουλίν αχπαραγμένον
Γλωσσάρι
ΚείμενοΕπεξήγησηΕτυμ. ΡίζαΠροέλευση
απέσ’μέσα
απλέρωταανεκπλήρωτα
αφήντςαφήνεις
αχπαραγμένοντρομαγμένο, ξαφνιασμένο
γλυκύνγλυκιά/ό
εγκαλιόποαγκαλίτσα
εμόνδικός/ή/ό μου ἐμοῦ
έν’είναι
ευτάςκάνεις, φτιάχνεις εὐθειάζω
εχωρείχωράει
ζαΐφκονισχνό, αδύνατο, ελλιπές zayıf/żaʿīf
καρδόποκαρδούλα
καρίπ’μοναχικό, ορφανό, εξαθλιωμένο garip/ġarīb
κατενόνκαθαρό, ξεπλυμένο, ξεθολωμένο κατανίζω
λαλαχ̌εμένονχαΐδεμένο, παραχαϊδεμένο
μουράτι͜αεπιθυμίες, πόθοι murat/murād
νουνί͜ειςσκέφτεσαι
ομοι͜άειςομοιάζεις, μοιάζεις
παντέμορφονπανέμορφο/η
παρώραςπρόωρα, παράκαιρα
σ̌ασ̌ουρεύ’ςσαστίζεις, τα χάνεις
τέρενκοίταξε (προστ.)
τσητης
τυρα̤ννίεσαιτυραννιέσαι, ταλαιπωριέσαι
χ̌ερόπαχεράκια
χώραςξένος/η/ο/οι γενικά, οι/το/τα μη οικείο/α, ξενιτειάς
ψ̌ηςψυχής
ψ̌όποψυχούλα

Ποντιακός Στίχος - Pontian Lyrics 2024

Τραγούδια: 7825 | Albums/Singles: 1118 | Συντελεστές: 1525 | Λήμματα: 12581
Επικοινωνία: infoDUMMY@pontianlyrics.gr