Τραγωδίας αν θέλετεν

Προβολή Τραγουδιού

Καλλιτέχνες: Αχιλλέας Βασιλειάδης, Κώστας Σιαμίδης

Τραγωδίας αν θέλετεν,
θα λέγω σας καμπόσα
Ποίον καρδίαν ταγιανίζ’
σ’ ατά ντο λέει η γλώσσα;

Αν θέλετεν ας τραγωδώ,
αν θέλετεν ας κλαίω
Αν θέλετεν παράπονα
ας κάθουμαι και λέω

Εμέν ρακίν μη δί’τε με,
εγώ όντες πίνω κλαίω
Εγώ όντες πίνω τραγωδώ
και μοιρολόγι͜α λέω

’Τραγώδεσα, ’τραγώδεσα,
η καρδι͜ά μ’ εματώθεν
Όθεν κλαδίν επίασα
εσάπεν κι ετσακώθεν

Πολλά είπανε για τ’ εμέν,
θαρρώ θα λέν’ ακόμαν
Θα πολεμούνε με την ψ̌ην
να βάλ’νε με σο χώμαν

Γλωσσάρι

Κείμενο	Επεξήγηση	Ετυμ. Ρίζα
ατά	αυτά
βάλ’νε	βάλουν
δί’τε	δίνετε
εματώθεν	ματώθηκε
εσάπεν	σάπισε
ετσακώθεν	έσπασε
όθεν	όπου, οπουδήποτε, σε όποιον
όντες	όταν
πολλά	(επίθ.) πολλά, (επίρρ.) πολύ
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
ταγιανίζ’	αντέχω/ει, βαστάω/ει, υπομένω/εις	dayanmak
’τραγώδεσα	(ετραγώδεσα) τραγούδησα
τραγωδίας	τραγούδια
τραγωδώ	τραγουδάω
ψ̌ην	ψυχή