Τίμι-τίμι τον αητόν

Προβολή Τραγουδιού

Συνθέτες: Σάκης Σωτηριάδης, Χρήστος Χρυσανθόπουλος

Καλλιτέχνες: Αντώνης Πηλαλίδης, Θεόφιλος Πουταχίδης

[Όι, όι] Ούλ’ απόψ’ είμες παρέαν,
ας θυμούμες τα παλαιά
Κάποτε έμ’νες -ε- μωρά
πεινασμένα κι ορφανά

Τίμι-τίμι ας μετρούμε,
παίζομε και τραγωδούμε
και χορεύομε παιδία!
Το πρωί ξαν ση δουλείαν

[Όι, όι] Τίμι-τίμι τον αητόν,
θα μετρώ και τραγωδώ
Κι ήντιναν δεικνύζω εγώ
ατός θα σύρ’ το χορόν

Τίμι-τίμι ας μετρούμε,
παίζομε και τραγωδούμε
και χορεύομε παιδία!
Το πρωί ξαν ση δουλείαν

[Όι, όι] Καλομάνα μ’, όλον πλέκ’
και φορεί μαύρον λετσ̌έκ’
Έναν, δύο και το τέκ’,
η ζωή θα φεύ’, ’κι στέκ’

Τίμι-τίμι ας μετρούμε,
παίζομε και τραγωδούμε
και χορεύομε παιδία!
Το πρωί ξαν ση δουλείαν

[Όι, όι] Τίμι-τίμι οι τρανοί,
τα κορίτσ̌ι͜α κι οι μικροί
Ούλ’ μαζί ας τραγωδούμε
αύριον εμείς ’κι ζούμε

Τίμι-τίμι ας μετρούμε,
παίζομε και τραγωδούμε
και χορεύομε παιδία!
Το πρωί ξαν ση δουλείαν

Γλωσσάρι

Κείμενο	Επεξήγηση	Ετυμ. Ρίζα
ατός	αυτός
δεικνύζω	δείχνω, καταδεικνύω
δουλείαν	δουλειά
είμες	είμαστε
έμ’νες	ήμασταν
ήντιναν	όποιον/α/ο
θυμούμες	θυμόμαστε
καλομάνα	γιαγιά
’κι	δεν	οὐκί<οὐχί
λετσ̌έκ’	γυναικείο μαντίλι που χρησίμευε ως κάλυμμα κεφαλής δεμένο σε σχήμα τριγώνου	leçek<laçak
ξαν	πάλι, ξανά
ούλ’	όλοι
παιδία	παιδιά
πλέκ’	πλέκει
σύρ’	σύρω/ει, τραβάω/ει, ρίχνω/ει
τέκ’	μόνο, ένα, μοναδικό	tek
τραγωδούμε	τραγουδάμε
τραγωδώ	τραγουδάω
φεύ’	φεύγει
χορεύομε	χορεύουμε