Έμορφος μελαχρινέσσα

Προβολή Τραγουδιού

Συνθέτες: Γιώργος Αμαραντίδης, Σάκης Σωτηριάδης

Καλλιτέχνες: Αντώνης Πηλαλίδης, Θεόφιλος Πουταχίδης

Έμορφος μελαχρινέσσα,
ατσ̌ά κείται μαναχέσσα;
Και σα χρόνι͜α χάταλον
εμέναν θα παλαλών’

Σο δρανίν ατ’ς έστεκεν,
καν’νάν ’κ’ εκαλάτσ̌ευεν
Πέει με, κόρη, ντο νουνί͜εις
κι ολόερα σ’ ’κι τερείς;

Εθέλ’νεν να υπαντρεύ’,
κλώσ̌κεται και πουσ̌μανεύ’
Ατσ̌ά τίναν θα ευρήκω;
Θ’ απομένω, το μικρίκον!

’Σ σον κύρη σ’ θα ψαλαφώ σε,
λόγον δίγω, θα παίρω σε
Σο γεργάνι μ’ να κοιμάσαι,
’ς ση καν’νάν να μη φοάσαι

’Κράτεσέ με -ν- ας σο χ̌έρ’
και -ν- εδώκε με χαπέρ’
Είπεν για να ανταμούμες
και ύπνον να μη κοιμούμες

Γλωσσάρι

Κείμενο	Επεξήγηση	Ετυμ. Ρίζα
ανταμούμες	ανταμώνουμε
ατ’ς	αυτής, της
ατσ̌ά	άραγε	acep/ʿaceb
γεργάνι	πάπλωμα	yorgan
δίγω	δίνω
δρανίν	φεγγίτης, άνω μέρος στέγης, οριζόντια στέγη σπιτιού
εδώκε	έδωσε
εθέλ’νεν	ήθελε
εκαλάτσ̌ευεν	μιλούσε	keleci=καλός λόγος (Παλαιά Τουρκική Ανατολίας)
έμορφος	όμορφος/η
ευρήκω	βρίσκω
’κ’	δεν	οὐκί<οὐχί
καν’νάν	κανέναν
κείται	κείτεται, ξαπλώνει
’κι	δεν	οὐκί<οὐχί
κλώσ̌κεται	γυρίζει, επιστρέφει
κοιμούμες	κοιμόμαστε
μαναχέσσα	μονάχη
μικρίκον	μικρούλης/α/ικο
νουνί͜εις	σκέφτεσαι
ολόερα	ολόγυρα
παίρω	παίρνω
παλαλών’	τρελαίνει
πέει	(προστ.) πες
πουσ̌μανεύ’	μετανιώνει	pişman olmak<paşmān
’ς	(ας) από
τερείς	κοιτάς
τίναν	ποιον/α
υπαντρεύ’	παντρεύεται
φοάσαι	φοβάσαι
χ̌έρ’	χέρι
χαπέρ’	είδηση, νέο	haber/ḫaber
χάταλον	μωρό, παιδί	ἀταλός
ψαλαφώ	ζητώ, αιτούμαι