Τα κορτσόπα έμορφα

Προβολή Τραγουδιού

Καλλιτέχνες: Γιώργος Αμαραντίδης, Ηλίας Υφαντίδης, Παντελής Νικολαΐδης

Τα κορτσόπα -ν- έμορφα
χορεύ’νε ποντιακά
Εγώ να λελεύ’ ατα
παίρ’ ατα και κείμαι κα’
Εγώ να λελεύ’ ατα
σην εγκάλια μ’ παίρ’ ατα

Ματσουκάτ’σσα έμορφος
άμον τ’ ήλιονος το φως
Εγώ -ν- εγκαλιάστα ’τεν,
τη σεβτι͜άν εμάτσα ’τεν

Ε! Κρωμέτ’σσα, Κρωμέτ’σσα,
σον χορόν καρμενέτσα
Ε! Σαντέτ’σσα, Σαντέτ’σσα
είδα σε και -ν- εμέτσα

Σουρμενέτ’σσα παρλαεύ’,
τον κόσμον όλιον μαεύ’
Σην εγκάλια μ’ παίρ’ ατεν,
σπίγγω, δάκω, τρώγ’ ατεν

Ε! Τογια- Τογιαλίσσα,
τα σπαρέλια σ’ έλυσα
Ορντουλούσσα, Ορντουλούσσα
πάντα έν’ χατιρλίσσα

Ε! Καρσλίσσα, Καρσλίσσα,
σον χορόν πιτσ̌ιμλίσσα
Μετ’ ατόν όθεν κέσ’ πας
πάντα θα χορεύ’ς το Τας

Μετ’ ατόν όθεν κέσ’ πας
πάντα θα χορεύ’ς το Τας
Μετ’ ατόν όθεν κέσ’ πας
πάντα θα χορεύ’ς το Τας

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ατα	αυτά
ατεν	αυτήν
δάκω	δαγκώνω
εγκάλια	αγκαλιά
εγκαλιάστα	αγκάλιασα
εμάτσα	έμαθα κτ σε κπ, δίδαξα	μαθίζω
εμέτσα	μέθυσα
έμορφα	όμορφα
έμορφος	όμορφος/η
έν’	είναι
ήλιονος	ήλιου
κα’	κάτω
καρμενέτσα	αδράχτι	kirmen<eğirmen
κείμαι	κείτομαι, ξαπλώνω
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
κορτσόπα	κοριτσάκια
λελεύ’	χαίρομαι/εται
μαεύ’	μαγεύει
Ματσουκάτ’σσα	αυτή που είναι από τη Ματσούκα
μετ’	μαζί με (με αιτιατική), με (τρόπος)
όθεν	όπου, οπουδήποτε, σε όποιον
όλιον	όλο, ολόκληρο
παίρ’	παίρνω/ει
παρλαεύ’	λάμπει, λαμποκοπά	parlamak
πιτσ̌ιμλίσσα	όμορφη, καλοσχηματισμένη, κομψή	biçimli
σεβτι͜άν	έρωτα, αγάπη	sevda/sevdā
σπαρέλια	μέρος γυναικείας ενδυμασίας αυτοτελές που χρησιμεύει ως κάλυμμα του στήθους	spalliera
σπίγγω	σφίγγω
Τας	ονομασία αντικρυστού ποντιακού χορού
’τεν	αυτήν
τρώγ’	τρώω
χατιρλίσσα	που έχει χάρη, αξιοσέβαστη, ευυπόληπτη	hatırlı<ḫāṭir
χορεύ’νε	χορεύουν
χορεύ’ς	χορεύεις