Προβολή Τραγουδιού
Εγώ είμαι για τ’ εσέν |
Η σεβντά τρανόν πελιάνΣτιχουργοί: Τέλης Ραμφόπουλος
Συνθέτες: Ελένη Σαμανίδου
Καλλιτέχνες: Ελένη Σαμανίδου
Τον γιοσμάν ντο αγαπώ αγαπά με και ατός Έν’ ο ήλιον για τ’ εμέν, εμέν πάντα θα χουλέν’ Εγώ είμαι για τ’ εσέν κι εσύ είσαι για τ’ εμέν Έλα, λέγω σε -ν-, έλα να τρανύνουμ’ τη σεβντά Εθαρρώ εχώρεσεν όλιον ο κόσμον σην ψ̌η μ’ Αΐκον τρανόν χαράν εσύ έγκες ση ζωή μ’! Εγώ είμαι για τ’ εσέν κι εσύ είσαι για τ’ εμέν Έλα, λέγω σε -ν-, έλα να τρανύνουμ’ τη σεβντά Σην καρδι͜ά μ’ εγόνεψες, εκειαπέσ’ εφώλεψες Θα φωτά͜εις απέσ’ σην ψ̌η μ’, εσύ, σ’ όλο̤ν τη ζωή μ’ Εγώ είμαι για τ’ εσέν κι εσύ είσαι για τ’ εμέν Έλα, λέγω σε -ν-, έλα να τρανύνουμ’ τη σεβντά
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αΐκον | τέτοιο/α | ||
| απέσ’ | μέσα | ||
| ατός | αυτός | ||
| γιοσμάν | κομψό, λεβέντη, λεβέντικο | yosma | |
| έγκες | έφερες | ||
| εγόνεψες | εγκαταστάθηκες, φώλιασες, προσγειώθηκες | konmak | |
| εθαρρώ | θαρρώ, νομίζω, υποθέτω | ||
| εκειαπέσ’ | εκεί μέσα | ||
| έν’ | είναι | ||
| εφώλεψες | φώλιασες, μτφ. τρύπωσες, χώθηκες | ||
| εχώρεσεν | χώρεσε | ||
| όλιον | όλο, ολόκληρο | ||
| σεβντά | αγάπη, έρωτας | sevda/sevdā | |
| τρανύνουμ’ | μεγαλώνουμε, αναθρέφουμε | τρανόω-ῶ | |
| φωτά͜εις | φωτίζεις, λάμπεις | ||
| χουλέν’ | ζεσταίνει, θερμαίνει | ||
| ψ̌η | ψυχή |
