Αν πας σα ξένα

Προβολή Τραγουδιού

Καλλιτέχνες: Ελένη Σαμανίδου, Φάνης Κουρουκλίδης

Αούτ’ ο κόσμον ψεύτικον έν’
μίαν που ρούζ’ ’κι σ’κούται
πη τρώει και πίν’ και λάσ̌κεται
καμίαν ’κι κομπούται

Κι αν πας σα ξένα
έπαρ’ κι εμένα
Έπαρ’ κι εμένα
για συντροφιά

Αν αποθάνω, γιαβρόπο μ’,
τον κόσμον όλο̤ν κούξον
κι αν αγαπάς με αληθινά
σο ταφί μ’ απέσ’ ρούξον

Κι αν πας σα ξένα
έπαρ’ κι εμένα
Έπαρ’ κι εμένα
για συντροφιά

Θα στείλω σε τα λώματα μ’
λερά και ματωμένα
Να εξέρτς εγώ το κορτσόπον
ντ’ έπαθα για τ’ εσένα

Κι αν πας σα ξένα
έπαρ’ κι εμένα
Έπαρ’ κι εμένα
για συντροφιά

Γλωσσάρι

Κείμενο	Επεξήγηση	Ετυμ. Ρίζα
αούτ’	αυτός/ή/ό/ά
απέσ’	μέσα
αποθάνω	πεθαίνω
γιαβρόπο	μωράκι, μικρούλι, παιδάκι	yavru + -όπον
έν’	είναι
εξέρτς	ξέρεις, γνωρίζεις
έπαρ’	(προστ.) πάρε
καμίαν	ποτέ
’κι	δεν	οὐκί<οὐχί
κομπούται	ξεγελιέται, εξαπατάται, μτφ. σαγηνεύεται	κομβόω
κορτσόπον	κοριτσάκι
κούξον	(προστ.) κάλεσε, φώναξε
λάσ̌κεται	περιφέρεται, τριγυρνά, περιπλανιέται	ἀλάομαι/ηλάσκω
λερά	ακάθαρτα, βρώμικα	ὀλερός
λώματα	ρούχα	λῶμα/λωμάτιον
μίαν	μια φορά
πη	που
πίν’	πίνει
ρούζ’	πέφτει, ρίχνει
ρούξον	(προστ.) πέσε
σ’κούται	σηκώνεται
ταφί	τάφο