Πατέρα μ’, την ευχην τ’ εσόν

Προβολή Τραγουδιού

Καλλιτέχνες: Γιώργος Σκηπητάρης, Δημήτρης Ξενιτόπουλος, Πέλα Νικολαΐδη

Εσέν αν αγκαλιάσκουμαι
γομούντανε τ’ ομμάτι͜α σ’
Κι όντες εγώ ’κι θα τερώ
κρυφά σπογγί͜εις τα δάκρυ͜α σ’

Πατέρα μ’, την ευχ̌ήν τ’ εσόν
βραχ̌ι͜άλ’ σο χ̌έρι μ’ θέκω
Όντες θα φεύ’ς ας ση ζωήν
να επορώ και στέκω

Καμίαν ’κι νεγκάσ̌κεσαι
αν έν’ για τα παιδία σ’
Κι όντες ατά χαμογελούν
παίρτς την παρηγορία σ’

Πατέρα μ’, την ευχ̌ήν τ’ εσόν
βραχ̌ι͜άλ’ σο χ̌έρι μ’ θέκω
Όντες θα φεύ’ς ας ση ζωήν
να επορώ και στέκω

Πατέρα μ’, πώς θα χάνω σε;
εθαρρώ ’κι βαστάζω
Μανάχον με το νούνιγμαν
εσέν πώς να χορτάζω;

Πατέρα μ’, την ευχ̌ήν τ’ εσόν
βραχ̌ι͜άλ’ σο χ̌έρι μ’ θέκω
Όντες θα φεύ’ς ας ση ζωήν
να επορώ και στέκω

Γλωσσάρι

Κείμενο	Επεξήγηση	Ετυμ. Ρίζα
αγκαλιάσκουμαι	αγκαλιάζω, εναγκαλίζομαι
ατά	αυτά
βραχ̌ι͜άλ’	βραχιόλι	βραχιάλιον<bracchiale<βραχίων
γομούντανε	γεμίζουν, κομπιάζουν
εθαρρώ	θαρρώ, νομίζω, υποθέτω
έν’	είναι
επορώ	μπορώ
εσόν	δικός/ή/ό σου
θέκω	θέτω, τοποθετώ, βάζω
καμίαν	ποτέ
’κι	δεν	οὐκί<οὐχί
μανάχον	(ο) μοναχός, (επίρρ.) μόνο/μοναχά
νεγκάσ̌κεσαι	κουράζεσαι
νούνιγμαν	σκέψη
ομμάτι͜α	μάτια
όντες	όταν
παιδία	παιδιά
παίρτς	παίρνεις
σπογγί͜εις	σκουπίζεις
τερώ	κοιτώ
φεύ’ς	φεύγεις
χορτάζω	χορταίνω

Σημειώσεις

Φωνητικά: Ανθή & Γεσθημανή Νικολαΐδη, Δημήτρης Καραντωνίου, Δημήτρης Ξενιτόπουλος

Προβολή Τραγουδιού

Πατέρα μ’, την ευχ̌ην τ’ εσόν