Προβολή Τραγουδιού

Εγώ αγαπώ τα κορτσόπα

Εγώ αγαπώ τα κορτσόπα
ντο λέγ’νε «νέτσ̌η, νέτσ̌η»
Παίρ’ ατα σ’ εγκαλιόπο μου
όντας χ̌ιονίζ’ και βρέχ̌ει

Εγώ αγαπώ τα κορτσόπα,
ίλιαμ τα μερακλία
Ντο έχ’νε μάγ’λα κόκκινα,
σαρία τα μαλλία

Τα κορτσόπα πολλά αγαπώ
για τ’ ατά την ψ̌η μ’ χάνω
Με τα κορτσόπα θάψτε με
αρ’ όντες αποθάνω

Γλωσσάρι

Κείμενο	Επεξήγηση	Ετυμ. Ρίζα
αποθάνω	πεθαίνω
ατά	αυτά
ατα	αυτά
εγκαλιόπο	αγκαλίτσα
έχ’νε	έχουνε
ίλιαμ	προπαντώς, ιδιαίτερα, ειδικά	illa/illā
κορτσόπα	κοριτσάκια
λέγ’νε	λένε
μάγ’λα	μάγουλα	magulum
μερακλία	με μεράκι, με ιδιαίτερο ζήλο	meraklı/merāḳ
νέτσ̌η	Ε! κόρη, ε! εσύ
όντας	όταν
όντες	όταν
πολλά	πολλά (επίθ.), πολύ (επίρ.)
σαρία	ξανθά, κίτρινα	sarı
ψ̌η	ψυχή