Εζάντυνες, Γιωρίκα

Προβολή Τραγουδιού

Συνθέτες: Γιώργος Αμαραντίδης, Στάθης Νικολαΐδης

Καλλιτέχνες: Γιώργος Αμαραντίδης, Σοφία Νικολαΐδη, Στάθης Νικολαΐδης

Εζάντυνες, εζάντυνες
εζάντυνες, Γιωρίκα!
Τ’ αχούλι σ’, τσ̌ιπ εχάσες α’
ντο λες ’κι θέλτς ξάι προίκα

Εγώ τ’ αχούλι μ’ έχ’ ατο
ασ’ εσάς κι άλλον καλλίον
Εγώ παίρω έναν καρδι͜άν·
ας σην παράν καλλίον

Εζάντυνες, εζάντυνες
εζάντυνες, Γιωρίκα!
Που παίρτς την ασ̌κεμόχτιστον
’κι ψαλαφάς και προίκα

Εγώ τ’ αχούλι μ’ έχ’ ατο
ασ’ εσάς κι άλλον καλλίον
Εγώ παίρω έναν καρδι͜άν·
ας σην παράν καλλίον

Εζάντυνες, εζάντυνες
εζάντυνες, Γιωρίκα!
Αχμάκ’ς ξαν μη πιάσ̌κεσαι
ψαλάφα και την προίκα

Εγώ τ’ αχούλι μ’ έχ’ ατο
ασ’ εσάς κι άλλον καλλίον
Εγώ παίρω έναν καρδι͜άν·
ας σην παράν καλλίον

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
ασ’	από
ασ̌κεμόχτιστον	άσχημη/ο, άσχημα φτιαγμένη/ο
αχμάκ’ς	κουτός, ανόητος	ahmak/aḥmaḳ
αχούλι	μυαλό	akıl/ʿaḳl
εζάντυνες	τρελάθηκες
θέλτς	θέλεις
καλλίον	(επίθ.) καλύτερο, (επίρ.) καλύτερα
’κι	δεν	οὐκί<οὐχί
ξάι	καθόλου
ξαν	πάλι, ξανά
παίρτς	παίρνεις
παίρω	παίρνω
παράν	λεφτά, το χρήμα	para/pāre
πιάσ̌κεσαι	πιάνεσαι
τσ̌ιπ	εντελώς, ολότελα, ακριβώς
ψαλάφα	(προστ.) ζήτησε, αιτήσου
ψαλαφάς	ζητάς, αιτείσαι