Πολλά υψηλά μη πετάς

Προβολή Τραγουδιού

Συνθέτες: Γιώργος Αμαραντίδης, Στάθης Νικολαΐδης

Καλλιτέχνες: Γιώργος Αμαραντίδης, Σοφία Νικολαΐδη, Στάθης Νικολαΐδης

Εσέν όντες εγνώρτσα σε,
εσέν όντες επήρα
Έσ’νε πουλίν χωρίς φτερά
σον ήλιον ’κ’ είχ̌ες μοίρα

Κι ατώρα, πουλί μ’, έσ’κωσες
το κιφάλι σ’ ψηλά -ι
Ατό πη έσ’νε ενέσπαλες
κι ας σ’ εμέν πας μακρά -ι

Εσέν όντες εφίλεσα,
φιλείν ντο έν’ ’κ’ εξέρ’νες
Ερώτανες «ντο έν’ ατο;»
αδά κι ακεί επέγ’νες

Κι ατώρα, πουλί μ’, έσ’κωσες
το κιφάλι σ’ ψηλά -ι
Ατό πη έσ’νε ενέσπαλες
κι ας σ’ εμέν πας μακρά -ι

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
ακεί	εκεί
ας σ’	(ας σου) από του, από τότε που/αφότου, (ας σο) από το/τα
ατώρα	τώρα
εγνώρτσα	γνώρισα
έν’	είναι
ενέσπαλες	ξέχασες
εξέρ’νες	ήξερες, γνώριζες
επέγ’νες	πήγαινες
ερώτανες	ρωτούσες
έσ’κωσες	σήκωσες
έσ’νε	ήσουν
εφίλεσα	φίλησα
’κ’	δεν	οὐκί<οὐχί
κιφάλι	κεφάλι
μακρά	(επιρρ.) μακριά, (επιθ.) μακρινά, απομακρυσμένα
όντες	όταν
πη	που
φιλείν	(απαρεμφ.) φιλί