Τη Τρίχας το γεφύριν

Προβολή Τραγουδιού

Ανθεί και φέρει κι άλλο | Τραγούδια του Πόντου

Καλλιτέχνες: Μιχάλης Καλιοντζίδης, Πέτρος Γαϊτάνος

Ση γέφυραν, ση γέφυραν
[Έλα Δάφνε μ’, ποταμέ!]
ση Τρίχας το γεφύριν
[Ε! Δάφνε μ’ και μυριγμένε μ’]

Χ̌ίλι͜οι μαστόροι έχτιζαν
[Έλα Δάφνε μ’, ποταμέ!]
και μύρι͜οι μαθητάδες
[Ε! Δάφνε μ’ και μυριγμένε μ’]

Όλιον τη μέραν έχτιζαν,
[Έλα Δάφνε μ’, ποταμέ!]
αποβραδής ’χαλάουτον
[Ε! Δάφνε μ’ και μυριγμένε μ’]

Ντό δί’ς με Πρωτομάστορα
[Έλα Δάφνε μ’, ποταμέ!]
να στένω το γεφύρι σ’;
[Ε! Δάφνε μ’ και μυριγμένε μ’]

Αν δίγω σε την μάνα μου
[Έλα Δάφνε μ’, ποταμέ!]
άλλο μανίτσαν ’κ’ έχω
[Ε! Δάφνε μ’ και μυριγμένε μ’]

Αν δίγω σε την κάλη μου
[Κόρ’ ανάμ’νον, κόρ’ ανάμ’νον]
καλύτερην ευρήκω
[Κόρ’, απάν’ ι-σ’ φόρ’ κι ας πάμε!]

Γλωσσάρι

Κείμενο	Επεξήγηση	Ετυμ. Ρίζα
ανάμ’νον	περίμενε
απάν’	πάνω
αποβραδής	απ’ το βράδυ, κατά το βράδυ, βραδιάτικα
δίγω	δίνω
δί’ς	δίνεις
ευρήκω	βρίσκω
’κ’	δεν	οὐκί<οὐχί
κάλη	η αγαπητή σύζυγος, η σύζυγος
μυριγμένε	ευωδιαστέ
όλιον	όλο, ολόκληρο
στένω	στήνω
φόρ’	(προστ.) φόρεσε
’χαλάουτον	(εχαλάουτον) χαλούσε, καταστρεφόταν