Τ’ αρνί μ’ εσέβε απέσ’ σ’ ορμάν’

Προβολή Τραγουδιού

Καλλιτέχνες: Γιάννης Τσανασίδης, Γιώργος Ιωαννίδης

Τ’ αρνί μ’ εσέβε απέσ’ σ’ ορμάν’
και χαμελά ετραγώδ’νεν,
Εγροίκ’σα το πως για τ’ εμέν
τέρτι͜α είχ̌εν κι επόν’νεν
 
Αν αγαπάς με, αγάπα με
μ’ ευτάς την αμελεία σ’!
Σα υστερνά θα πουσ̌μανεύ’ς
και θα τρως την καρδία σ’
 
Πώς να ευρήκω το μιγκίν
εσένα ν’ ανασπάλω;
Ας κλαίγ’νε τ’ ομματόπα μου
ντο ’κι θα ελέπ’νε σε άλλο
 
Να εξέρ’νε ντο έσυρα
και για τ’ ατό και μόνο,
Ατό γελά και χ̌αίρεται
και εγώ σύρω τον πόνον

Γλωσσάρι

Κείμενο	Επεξήγηση	Ετυμ. Ρίζα
ανασπάλω	ξεχάσω
ελέπ’νε	βλέπουνε
εξέρ’νε	ξέρουν, ήξερε
έσυρα	έσυρα, τράβηξα, έριξα
ετραγώδ’νεν	τραγουδούσε
ευρήκω	βρίσκω
ευτάς	κάνεις, φτιάχνεις	εὐθειάζω
’κι	δεν	οὐκί<οὐχί
κλαίγ’νε	κλαίνε
μιγκίν	πιθανός τρόπος, δυνατότητα	mümkün/mumkin
ομματόπα	ματάκια
ορμάν’	δάσος	orman
πουσ̌μανεύ’ς	μετανιώνεις	pişman olmak<paşmān
σύρω	σέρνω, τραβώ, ρίχνω
υστερνά	κατοπινά, τελευταία
χαμελά	χαμηλά