Τσ̌οπάνος με τα πρόβατα

Τσ̌οπάνος με τα πρόβατα
λάσ̌κεται τα γιαζία
[όι, όι, όι, λάσ̌κεται τα γιαζία]
Πίνει τα κρύα [βάι] τα νερά,
σύρει τη μαναχ̌ίαν
[όι, όι, όι, σύρει τη μαναχ̌ίαν]
 
Τσ̌οπάνε μ’, ντό γιοσμάς είσαι;
Νασάν που έ͜ει σε άντραν!
[όι, όι, όι, νασάν που έ͜ει σε άντραν!]
Άφ’ς ατα κι έλα [αρ] μετ’ εμέν,
τα πρόβατα σ’ ’κι χάν’νταν
[όι, όι, όι, τα πρόβατα σ’ ’κι χάν’νταν]
 
Τσ̌οπάνε μ’, και τα πρόβατα σ’,
τσ̌οπάνε μ’, και τ’ αρνόπα σ’
[όι, όι, όι, τσ̌οπάνε μ’, και τ’ αρνόπα σ’]
Ατά εγροικούν [άι] τη χαρά σ’,
εξέρ’νε ας σα τερτόπα σ’
[όι, όι, όι, εξέρ’νε ας σα τερτόπα σ’]