Ο ήλιον πάει και βασιλεύ’

Προβολή Τραγουδιού

Καλλιτέχνες: Άκης Σιαμίδης, Γιάννης Τσανασίδης

Ο ήλιον πάει και βασιλεύ’
ση μάναν ατ’ μερέαν
Για κλώστ’ αδά, για κλώστ’ ακεί,
για κλώστ’ σ’ εμέν μερέαν
 
Απόψ’ έρθεν σ’ εσέτερα
είνας με την φωτίαν
Ατός ατού ντ’ εράευεν;
Θα λες με την αιτίαν
 
Ανάθεμα σε δι͜άβολε,
θα βλαστημώ σε, μάισσα
Εμέν εκατεγόρεσαν
εσέν πασ̌τάν εχάσα
 
Εμέν κατηγορούνε με
και έχ’νε με σο στόμαν
και πολεμούνε με το ζόρ’
να βάλ’νε με σο χώμαν

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
ακεί	εκεί
ατός	αυτός
ατού	εκεί (σε τόπο ή σημείο που βρίσκεται σε κάποιο απόσταση)
βάλ’νε	βάλουν
είνας	ένας/μία
εκατεγόρεσαν	κατηγόρησαν
εράευεν	έψαχνε, αναζητούσε	aramak
έρθεν	ήρθε
εσέτερα	δικά σου/σας
εχάσα	έχασα
έχ’νε	έχουνε
ζόρ’	ζόρι	zor/zūr
κλώστ’	(προστ.) γύρνα/γύρισε, επέστρεψε
μάισσα	μάγισσα
μερέαν	μεριά
πασ̌τάν	ολωσδιόλου, εντελώς	baştan