Μαναχός στράταν εύρηκον

Προβολή Τραγουδιού

Συνθέτες: Φάνης Κουρουκλίδης, Χρήστος Παπαδόπουλος

Καλλιτέχνες: Κώστας Σιώπης, Φάνης Κουρουκλίδης, Χρήστος Παπαδόπουλος

Αβούτ’ ο κόσμον έλλαξεν
και η εγάπ’ ολίγον
Τρέξον κι αράεψον χαράν
και ας σα τέρτα̤ οφύγον

Ντ’ επέμ’νε σε να χ̌αίρεσαι,
ντ’ εδέβεν μη νουνί͜εις α’
Λόγον βαρύν αν είπανε
σο ψ̌όπο σ’ μη κρατείς α’

Μαναχός στράταν εύρηκον,
γουρτάρεψον το ψ̌όπο σ’
Και τη ζωή σ’ εμόρφυνον,
να ζεις χωρίς τερτόπον

Η καρδά̤ μ’ πάντα γεραλίν
’ς σα λόγια τα βαρέα
Και η ζωή έν’ άπονος
άμον πικρόν ελαίαν

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
αβούτ’	αυτό/ή, αυτοί/ές/ά
άμον	σαν, όπως, καθώς	ἅμα
αράεψον	(προστ.) ψάξε, αναζήτησε, γύρεψε	aramak
βαρέα	βαριά, συχνά, πολύ
γεραλίν	πληγωμένο, τραυματισμένο	yaralı
γουρτάρεψον	(προστ.) γλύτωσε κτ/κπ από, σώσε, διάσωσε	kurtarmak
εγάπ’	αγάπη
εδέβεν	πήγε, διάβηκε, διέσχισε, ξεπέρασε	διαβαίνω
ελαίαν	ελιά
έλλαξεν	άλλαξε
εμόρφυνον	(προστ.) ομόρφυνε
έν’	είναι
επέμ’νε	απόμεινε
εύρηκον	(προστ.) βρες
καρδά̤	καρδιά
μαναχός	μοναχός, μόνος
νουνί͜εις	σκέφτεσαι
ολίγον	λίγο
οφύγον	(προστ.) φύγε
’ς	(ας) από
τέρτα̤	καημοί, βάσανα, στενοχώριες	dert
τερτόπον	(υποκορ.) καημός, βάσανο, στενοχώρια	dert
τρέξον	(προστ.) τρέξε
ψ̌όπο	ψυχούλα