Προβολή Τραγουδιού
Θεία μ’, έλα σα καλά σ’

Στιχουργοί: Ιορδάνης Ξενιτόπουλος
Συνθέτες: Φάνης Κουρουκλίδης, Χρήστος Παπαδόπουλος
Καλλιτέχνες: Κώστας Σιώπης, Φάνης Κουρουκλίδης, Χρήστος Παπαδόπουλος
Θεία μ’, το κορτσόπο σου θα κλέφτω και παίρ’ ατο Κι αν θέλτς δέβα, κρύψον α’ ση βουδί’ το κέρατον Θεία μ’, έλα σα καλά σ’, ντό είναι ατά ντ’ ευτάς; Εθα̤ρρείς κι άντζ̌αν ελέπ’ς τα τερτίπα̤ τη σεβτάς; Είπανε, ξαν είπανε, τ’ όνομα μ’ εξέγκανε Και -ν- εσέν εκόμπωσαν και σα φίδα̤ εσέγκανε Θεία μ’, έλα σα καλά σ’, ντό είναι ατά ντ’ ευτάς; Εθα̤ρρείς κι άντζ̌αν ελέπ’ς τα τερτίπα̤ τη σεβτάς Έστειλες με -ν- το χαπάρ’, είπες «Θα κλαινίζ’ ατον! Θα παίρω έναν λιθάρ’ και θα κατασ̌κίζ’ ατον» Θεία μ’, έλα σα καλά σ’, ντό είναι ατά ντ’ ευτάς; Εθα̤ρρείς κι άντζ̌αν ελέπ’ς τα τερτίπα̤ τη σεβτάς;
Κείμενο | Επεξήγηση | Ετυμ. Ρίζα | Προέλευση |
---|---|---|---|
α’ | (ατό) αυτό, το | ||
άντζ̌αν | μόλις που, μετά βίας, τότε μόνο | ancak | |
ατά | αυτά | ||
βουδί’ | βοδιού | ||
δέβα | πήγαινε (προστ.) | ||
εκόμπωσαν | ξεγέλασαν, κορόιδεψαν, εξαπάτησαν | κομβόω | |
ελέπ’ς | βλέπεις | ||
εξέγκανε | έβγαλαν | ||
ευτάς | κάνεις, φτιάχνεις | εὐθειάζω | |
θέλτς | θέλεις | ||
κλαινίζ’ | στενοχωρώ/εί, κάνω/ει να κλάψει | ||
κορτσόπο | κοριτσάκι | ||
κρύψον | κρύψε (προστ.) | ||
λιθάρ’ | λιθάρι, πέτρα | ||
ξαν | πάλι, ξανά | ||
παίρω | παίρνω | ||
σεβτάς | αγάπης, έρωτα | sevda/sevdā | |
χαπάρ’ | χαμπάρι, είδηση, μαντάτο | haber/ḫaber |