Τραντάφυλλον, πεντάφυλλον

Προβολή Τραγουδιού

Καλλιτέχνες: Γιάννης Αραματανίδης, Γιώργος Αμαραντίδης

Τραντάφυλλον, πεντάφυλλον,
τρυγώ την ευωδία σ’
και για τ’ εσέν, τρυγονόπο μ’,
εβγάλλω τραγωδίας

Τρυγόνα, τρυγονίτσα μου,
πέντε χρονών εγάπη!
Που κείται σ’ εγκαλιόπο σου
ντο θα ’φτάει το κρεβάτι;

Τ’ ορμάνι͜α και τ’ ορμόχ̌ειλα,
όλια είν’ κρυφτερίτσας
Εγάπ’ τ’ εμόν τσ̌εχέλαινα,
σωρεύ’ τα μασουρίτσας¹

Πουλόπο μ’ είσαι -ν- έμορφον,
πας̌ κ’ είσαι χρυσωμέντσα
Τα λογόπα σ’ είν’ έμορφα,
εσύ μελιτωμέντσα

Γλωσσάρι

Κείμενο	Επεξήγηση	Ετυμ. Ρίζα
εβγάλλω	βγάζω
εγάπ’	αγάπη
εγάπη	αγάπη
εγκαλιόπο	αγκαλίτσα
είν’	(για πληθ.) είναι
εμόν	δικός/ή/ό μου	ἐμοῦ
έμορφα	όμορφα
έμορφον	όμορφο
κείται	κείτεται, ξαπλώνει
κρυφτερίτσας	κρυψώνες
λογόπα	λογάκια
μασουρίτσας	μικρά δενδρύλλια άγριας τριανταφυλλιάς
μελιτωμέντσα	αυτή που είναι από μέλι, μελένια
όλια	όλα
ορμάνι͜α	δάση	orman
ορμόχ̌ειλα	όχθες ρυακιών
πας̌	μήπως, μπας και, είναι δυνατόν, μην τύχει (και)	μήν πᾶς
πουλόπο	πουλάκι
σωρεύ’	μαζεύει, συγκεντρώνει	σωρεύω
τραγωδίας	τραγούδια
τραντάφυλλον	τριαντάφυλλο
τρυγόνα	το πουλί τρυγόνι, χαϊδευτική προσφώνηση γυναίκας
τρυγονίτσα	(υποκορ.) το πουλί τρυγόνι, χαϊδευτική προσφώνηση γυναίκας
τρυγονόπο	μικρό τρυγόνι
τσ̌εχέλαινα	άπειρη, ανώριμη, άβγαλτη	cehil/cehl
’φτάει	(ευτάει) κάνει, φτιάχνει	εὐθειάζω
χρυσωμέντσα	αυτή που είναι από χρυσό, χρυσωμένη

Σημειώσεις

¹Ακούγεται να λέει «ματζουρίτσας»