Τη νύχτας το πουλίν

Προβολή Τραγουδιού

Συνθέτες: Φάνης Κουρουκλίδης, Χρήστος Παπαδόπουλος

Καλλιτέχνες: Κώστας Σιώπης, Φάνης Κουρουκλίδης, Χρήστος Παπαδόπουλος

Εγώ τη νύχτας το πουλίν
κι ας ση σεβτάν ντωγμένον
[γιαβρί μ’, πουλί μ’ / γιαρ]
Ας σα πυκνοτερέματα σ’
η καρδά̤ μ’ ματωμένον
[γιαβρί μ’, πουλί μ’ / γιαρ]

Η τραγωδία μ’ έν’ βαρύν
και παραπονεμένον
[γιαβρί μ’, πουλί μ’ / γιαρ]
Με μαύρα δά̤κρα̤ για τ’ εσέν,
πουλόπο μ’, έν’ γραμμένον
[γιαβρί μ’, πουλί μ’ / γιαρ]

Πολλά ομμάτα̤ εκλαίντσα εγώ
και με την τραγωδία μ’
[γιαβρί μ’, πουλί μ’ / γιαρ]
Τ’ εσόν η καρδά̤ σίδερον,
πώς ’κι πονεί καμίαν;
[γιαβρί μ’, πουλί μ’ / γιαρ]

Νύχτας πουλίν είμαι -ν- εγώ,
τερτλίν και πονεμένον
[γιαβρί μ’, πουλί μ’ / γιαρ]
Για τ’ όλτς καλόν παιδίν είμαι
και για τ’ εσέν ο ξένον
[γιαβρί μ’, πουλί μ’ / γιαρ]

Γλωσσάρι

Κείμενο	Επεξήγηση	Ετυμ. Ρίζα
γιαβρί	μωρό, μικρό, παιδί	yavru
γιαρ	αγαπητός/ή/ό, αγάπη	yâr
δά̤κρα̤	δάκρυα
εκλαίντσα	στενοχώρησα, έκανα κπ να κλάψει
έν’	είναι
εσόν	δικός/ή/ό σου
καμίαν	ποτέ
καρδά̤	καρδιά
’κι	δεν	οὐκί<οὐχί
ντωγμένον	χτυπημένο
νύχτας	(ον.πληθ.,τα) νύχτες
όλτς	όλους
ομμάτα̤	μάτια
πολλά	(επίθ.) πολλά, (επίρρ.) πολύ
πουλόπο	πουλάκι
σεβτάν	αγάπη, έρωτα	sevda/sevdā
τερτλίν	καημένο, βασανισμένο, στενοχωρημένο	dertli
τραγωδία	τραγούδι