Φωτογραφία παλαιόν

Προβολή Τραγουδιού

Καλλιτέχνες: Κώστας Σιώπης, Φάνης Κουρουκλίδης, Χρήστος Παπαδόπουλος

Φωτογραφία παλαιόν,
δύο τσ̌ιτσ̌έκια εντάμαν
Καρσ̌ί μ’ έχω σην κάμαρη μ’
τον κύρη μ’ και τη μάνα μ’

Από καρσ̌ί, μανίτσα μου,
σ’ ομμάτι͜α απέσ’ τερείς με
Έναν δα̤κρόπο μ’ αν ελέπ’ς
αμὰν δα̤κροσπογγί͜εις με

Μανίτσα μ’, είσαι ολόερα μ’,
άγγελος, μάνα μ’, είσαι!
Κοιμούμαι εγώ λαφρά - λαφρά
γιατί σο γιάνι μ’ ’κ’ είσαι

Όντες γνεφίζω και τερώ
μίαν και αλλομίαν
εκλώστες ση κυρού μ’ το γιάν’,
ξαν, ση φωτογραφίαν

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
αμὰν	αμέσως, ευθύς, μονομιάς	hemen/hemān
απέσ’	μέσα
γιάν’	πλάι, πλευρά	yan
γιάνι	πλάι, πλευρό	yan
γνεφίζω	ξυπνώ
δα̤κρόπο	δακρυάκι
δα̤κροσπογγί͜εις	σκουπίζεις τα δάκρυα
εκλώστες	γύρισες, επέστρεψες
ελέπ’ς	βλέπεις
εντάμαν	μαζί
’κ’	δεν	οὐκί<οὐχί
καρσ̌ί	απέναντι, αντικρυστά	karşı
κοιμούμαι	κοιμάμαι
κυρού	πατέρα
μίαν	μια φορά
ξαν	πάλι, ξανά
ολόερα	ολόγυρα
ομμάτι͜α	μάτια
όντες	όταν
τερείς	κοιτάς
τερώ	κοιτώ
τσ̌ιτσ̌έκια	λουλούδια	çiçek