Τα έμορφα κοιμούνταν

Προβολή Τραγουδιού

Καλλιτέχνες: Γιάννης Αραματανίδης, Γιάννης Γκόσιος

Απ’ αδά ους τ’ εσέτερα,
πορτόπα είναι δέκα
Την ὼρα μ’ και το εγκόλπιο μ’
σ’ εσέτερα εφέκα

Ας σο Πατόμ¹ σίτ’ έρχουμ’νε,
εχτράτ’σα ση Δαφνούντα
Επήγα και -ν- ετέρεσα,
τα έμορφα κοιμούνταν

Εξέβα απάν’ σο Ποζ-Τεπέ,
είδα την Τραπεζούνταν
Τ’ έμορφα λάσκουν σο Μεϊντάν,
τ’ άσ̌κεμα ση Δαφνούνταν

Ανάθεμα σας έρημα,
ανάθεμα σας τσ̌όλι͜α
Τ’ ομματόπα μ’ εθόλωσαν,
θ’ απιδι͜αβαίνω ας σ’ όλι͜α

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
απάν’	πάνω
απιδι͜αβαίνω	φεύγω, αφήνω πίσω, προσπερνώ, ξεπερνώ	από + διαβαίνω
ας σ’	(ας σου) από του, από τότε που/αφότου, (ας σο) από το/τα
άσ̌κεμα	άσχημα
εγκόλπιο	φυλαχτό που κρεμιέται στο λαιμό και φτάνει περίπου στο μέσο του στήθους
έμορφα	όμορφα
εξέβα	βγήκα, ανέβηκα, μτφ. προέκυψα
έρχουμ’νε	ερχόμουν
εσέτερα	δικά σου/σας
ετέρεσα	κοίταξα
εφέκα	άφησα
εχτράτ’σα	ξεστράτισα, λοξοδρόμησα
κοιμούνταν	κοιμούνται
λάσκουν	περιφέρονται, τριγυρίζουν, περιπλανώνται	ἀλάομαι/ηλάσκω
ομματόπα	ματάκια
ους	ως, μέχρι
ποζ	γκρι	boz
Ποζ-Τεπέ	(κυριολ. Γκρι Λόφος) το όρος Μίθριο, λόφος που βρίσκεται 3 χλμ νοτιοανατολικά της πόλης της Τραπεζούντας	Boz Tepe
πορτόπα	πορτούλες	porta
σίτ’	καθώς, ενώ	σόταν<εις όταν
τεπέ	κορυφή	tepe
τσ̌όλι͜α	έρημα, ερημικά	çöl
ὼρα	ρολόι

https://el.wikipedia.org/wiki/%CE%9C%CF%80%CE%B1%CF%84%CE%BF%CF%8D%CE%BC%CE%B9

https://el.wikipedia.org/wiki/%CE%9C%CE%AF%CE%B8%CF%81%CE%B9%CE%BF%CE%BD_%CF%8C%CF%81%CE%BF%CF%82

Σημειώσεις

¹ Μπατούμι ή Βατούμ (γεωργ. ბათუმი) πόλη στα νοτιοδυτικά της Γεωργίας, πρωτεύουσα της αυτόνομης περιοχής της Ατζαρίας και σημαντικό λιμάνι της χώρας.