Προβολή Τραγουδιού
Τη εγάπ’ς το φως |
Τη εγάπ’ς το φωςΣτιχουργοί: Γιάννης Γκόσιος
Συνθέτες: Γιάννης Γκόσιος
Καλλιτέχνες: Αβραάμ Γκόσιος, Γιάννης Γκόσιος
Ήντζαν αγαπά μέρα-νύχταν αναμέν’ τη εγάπ’ς το φως την καρδίαν να χουλέν’ Για τ’ εσέν, πουλί μ’, λύεται η ψ̌η μ’ και γομούντανε τ’ ομμάτι͜α μ’ Έναν η ευχ̌ή μ’, να φιλώ τ’ αρνί μ’ και να παίρω τα μουράτι͜α μ’ Ήντζαν αγαπά μέρα-νύχταν αναμέν’ τη εγάπ’ς το φως την καρδίαν να χουλέν’ Απ’ εμέν, πουλί μ’, σ’ όλιον τη ζωήν παίρτς εγάπ’ και δί’ς φαρμάκια ’Κ’ εκανέθε σε ντο εποίκες με περισ̌άν’ σ’ εσά τ’ ομμάτι͜α Ήντζαν αγαπά μέρα-νύχταν αναμέν’ τη εγάπ’ς το φως την καρδίαν να χουλέν’ Πώς να μη πονώ εγώ όντες τερώ ν’ αγκαλιάσ̌κεται τ’ αρνόπο μ’; Τυρα̤ννίεται κι αργολύεται άμον το κερίν το ψ̌όπο μ’ Ήντζαν αγαπά μέρα-νύχταν αναμέν’ τη εγάπ’ς το φως την καρδίαν να χουλέν’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγκαλιάσ̌κεται | παίρνει αγκαλιά, αγκαλιάζει | ||
| άμον | σαν, όπως, καθώς | ἅμα | |
| αναμέν’ | περιμένει | ||
| αργολύεται | σιγολιώνει | ||
| αρνόπο | αρνάκι, χαϊδευτική προσφώνηση γυναίκας | ||
| γομούντανε | γεμίζουν, κομπιάζουν | ||
| δί’ς | δίνεις | ||
| εγάπ’ | αγάπη | ||
| εγάπ’ς | αγάπης | ||
| εκανέθε | έφτασε, ήταν αρκετό/ή | ||
| εποίκες | έκανες, έφτιαξες | ποιέω-ῶ | |
| εσά | δικά σου/σας | ||
| ήντζαν | οποιοσδήποτε, όποιος / οποιονδήποτε, όποιον | ||
| ’κ’ | δεν | οὐκί<οὐχί | |
| λύεται | λιώνει | ||
| μουράτι͜α | επιθυμίες, πόθοι | murat/murād | |
| όλιον | όλο, ολόκληρο | ||
| ομμάτι͜α | μάτια | ||
| όντες | όταν | ||
| παίρτς | παίρνεις | ||
| παίρω | παίρνω | ||
| περισ̌άν’ | εξαθλιωμένo, κακομοίρη, δυστυχή | perişan/perīşān | |
| τερώ | κοιτώ | ||
| τυρα̤ννίεται | τυραννιέται, ταλαιπωριέται | ||
| χουλέν’ | ζεσταίνει, θερμαίνει | ||
| ψ̌η | ψυχή | ||
| ψ̌όπο | ψυχούλα |
