Είμαι Πόντιος Ρωμαίος

Προβολή Τραγουδιού

Καλλιτέχνες: Γιωργούλης Κουγιουμτζίδης, Χρήστος Παπαδόπουλος

Επήγαμε εμείς σον Πόντον
κι είνας χότζας οξωπίσ’
Ντό θέλτς, είπαμε, γερίτσο;
Γιατί κλαις κι εμάς τερείς;

Πώς εξέρτς την καλατσ̌ή μουν;
Πόντιος είσαι -ν- εσύ!
Γιατί ψαλαφάς, τουρκίτσο,
απ’ εμάς έναν κερίν;

Πόντιος είμαι Ρωμαίος,
το κερίν θα άφτω εγώ
Τη Σουμελάν Παναΐα
κλίσκουμαι και προσ̌κυνώ

Ας σ’χωρά με ο Θεόν,
το ρωμαίικον θα κρατώ
Την ημέραν είμαι χότζας,
τη βραδήν θα λειτουργώ

Γλωσσάρι

Κείμενο	Επεξήγηση	Ετυμ. Ρίζα
άφτω	ανάβω
βραδήν	βράδυ
είνας	ένας/μία
εξέρτς	ξέρεις, γνωρίζεις
θέλτς	θέλεις
καλατσ̌ή	ομιλία, συνομιλία, συζήτηση	keleci=καλός λόγος (Παλαιά Τουρκική Ανατολίας)
κλίσκουμαι	σκύβω, κλίνω
μουν	μας
οξωπίσ’	πίσω, αντίστροφα
Παναΐα	Παναγιά
ρωμαίικον	αυτό που είναι των Ρωμιών, ελληνικό
σ’χωρά	συγχωρά
τερείς	κοιτάς
ψαλαφάς	ζητάς, αιτείσαι