Πουλόπο μ’, τσακανίουμαι

Προβολή Τραγουδιού

Η καρδι͜ά μ’ εταγιάνεψεν,
γεράν έχ̌’ το γουλόπο μ’
Μη τσ̌ακανί͜εις με άν’ και κα’,
θ’ αποθάνω, πουλόπο μ’

Πουλόπο μ’, τσ̌ακανίουμαι,
έρχουμαι σο ταφόπο σ’
Κάθουμαι, ευτάμε παρακάθ’,
ακούω το λαλόπο σ’

Ο Χάρον σειράν ’κι τερεί,
έρθεν να παίρ’ το ψ̌όπο μ’
Ογράσ̌εψον και μ’ αφήντς ατον,
ντως, σκότα τον, πουλόπο μ’!

Πουλόπο μ’, τσ̌ακανίουμαι,
έρχουμαι σο ταφόπο σ’
Κάθουμαι, ευτάμε παρακάθ’,
ακούω το λαλόπο σ’

Αν ’κ’ επορείς τιδέν να ’φτας
και παίρ’ την ψ̌η μ’ και φεύει
Παρακάλ’ α̤τον, πουλόπο μ’,
να έρχ̌εσαι μετ’ εμέν-ι

Πουλόπο μ’, τσ̌ακανίουμαι
έρχουμαι σο ταφόπο σ’
Κάθουμαι, ευτάμε παρακάθ’,
ακούω το λαλόπο σ’

Γλωσσάρι

Κείμενο	Επεξήγηση	Ετυμ. Ρίζα
άν’	άνω, πάνω, άνωθεν
αποθάνω	πεθαίνω
αφήντς	αφήνεις
γεράν	πληγή, τραύμα	yara
γουλόπο	λαιμουδάκι	gula
επορείς	μπορείς
έρθεν	ήρθε
έρχουμαι	έρχομαι
εταγιάνεψεν	απόκαμε, έμεινε από αντοχές, πλησίασε τόσο ώστε να ακουμπάει	dayanmak
ευτάμε	κάνουμε, φτιάχνουμε	εὐθειάζω
έχ̌’	έχει
’κ’	δεν	οὐκί<οὐχί
κα’	κάτω
’κι	δεν	οὐκί<οὐχί
λαλόπο	φωνούλα
μετ’	μαζί με (με αιτιατική), με (τρόπος)
ντως	(προστ.) χτύπα
ογράσ̌εψον	(αμτβ) (προστ.) πάσχισε, πάλεψε	uğraşmak
παίρ’	παίρνω/ει
παρακάθ’	συνάθροιση, ολονυχτία
παρακάλ’	(προστ.) παρακάλεσε
πουλόπο	πουλάκι
σκότα	(προστ.) σκότωσε
ταφόπο	(υποκορ.) τάφος
τερεί	κοιτάει
τιδέν	τίποτα
τσ̌ακανί͜εις	σέρνεις κατά γης
τσ̌ακανίουμαι	σέρνομαι κατά γης
φεύει	φεύγει
’φτας	(ευτάς) κάνεις, φτιάχνεις	εὐθειάζω
ψ̌η	ψυχή
ψ̌όπο	ψυχούλα