Αΐκον άπιστον εγάπ’

Προβολή Τραγουδιού

expand_content

Αΐκον άπιστον εγάπ’
και ντό πολλά φογάται!
Χασ̌όφυλλα εχαρχάριζαν,
εσ’κούτον να πάει χάται

Πουλόπο μ’, ας αχπάσκουμες,
[ας πάμε] ο παρχάρτς αναμέν’ μας
Εκεί ασ’ όλια τα καλά,
τραγωδίας και παίγνιας

Έλα, πουλόπο μ’, μετ’ εμέν
απέσ’ σα μανουσ̌άκια
Έλα σα κρύα τα νερά
και σα πεγαδομμάτι͜α

Έλα, πουλόπο μ’, μετ’ εμέν
εσύ -ν- είσαι τ’ εμόν -ι
Τον κόσμον όλιον αγοράζ’
το πόι σ’ μαναχόν -ι

Έναν πουλόπον έχ̌’ κι έρ’ται
με τον κελαηδημόν -ι
Τ’ ομμάτι͜α ’θε είναι πλουμιστά,
να έτονε τ’ εμόν -ι

Γλωσσάρι

Κείμενο	Επεξήγηση	Ετυμ. Ρίζα
αΐκον	τέτοιο/α
αναμέν’	περιμένει
απέσ’	μέσα
ασ’	από
αχπάσκουμες	αναχωρούμε, φεύγουμε, κινούμε για
εγάπ’	αγάπη
εμόν	δικός/ή/ό μου	ἐμοῦ
έρ’ται	έρχεται
έρ’ται με	μου έρχεται, μου φαίνεται
εσ’κούτον	σηκωνόταν
έτονε	ήταν
έχ̌’	έχει
έχ̌’ κι έρ’ται	είναι στον ερχομό, έρχεται
εχαρχάριζαν	θρόιζαν
’θε	του/της
κελαηδημόν	κελάηδημα
μαναχόν	(έναρθρο) μοναχός, μοναχό, (επίρρ) μόνο/μοναχά
μανουσ̌άκια	μενεξέδες/βιολέτες	մանուշակ (manušak)<manafšak
μετ’	μαζί με (με αιτιατική), με (τρόπος)
όλια	όλα
όλιον	όλο, ολόκληρο
ομμάτι͜α	μάτια
παίγνιας	παιδιά, παιχνίδια, μουσικά όργανα
παρχάρτς	ορεινός τόπος θερινής βοσκής
πεγαδομμάτι͜α	πηγές νερού
πλουμιστά	στολισμένα, διακοσμημένα με ζωγραφιές ή κεντήματα, πολύχρωμα	pluma
πόι	ύψος, μπόι	boy
πολλά	(επίθ.) πολλά, (επίρρ.) πολύ
πουλόπο	πουλάκι
πουλόπον	πουλάκι
τραγωδίας	τραγούδια
φογάται	φοβάται
χασ̌όφυλλα	φύλλα δέντρου ξερά (ζεματισμένα από τον ήλιο), πεσμένα φύλλα	խաշել (khashel) + φύλλο
χάται	χάνεται