Αγρόμηλα θα φάζω σε

Προβολή Τραγουδιού

Αγρόμηλα θα φάζω σε
αγράπι͜α και σταφύλι͜α
Ας έλεπα ντ’ άγνα γελούν,
ρίζα μ’, τ’ εσά τα χ̌είλι͜α

Εσύ θέρτσον με το καγάν’
κι εγώ ας κερεντίζω
Απέσ’ σ’ ορμάν’, τρυγόνα μου
τη φωλέα σ’ θα χτίζω

Εκοντοστάθες σο διστράτ’
εστάθαν οι γιολτσ̌ήδες
Σ’ ομμάτι͜α εσέν π’ ετέρεσαν
όλ’ έσαν σεβνταλήδες

Τ’ ομμάτι͜α σ’ άμον το κιπρίτ’
όθεν τερούν, φωτίας
Καίγ’νε άμον ξερόν χορτάρ’
την ψ̌ην και τα καρδίας

Γλωσσάρι

Κείμενο	Επεξήγηση	Ετυμ. Ρίζα
αγράπι͜α	άγρια αχλάδια
αγρόμηλα	άγρια μήλα
άμον	σαν, όπως, καθώς	ἅμα
απέσ’	μέσα
γιολτσ̌ήδες	ταξιδιώτες, οδοιπόροι	yolcu
εκοντοστάθες	κοντοστάθηκες
έλεπα	έβλεπα
εσά	δικά σου/σας
έσαν	ήταν
εστάθαν	στάθηκαν
ετέρεσαν	κοίταξαν
θέρτσον	(προστ.) θέρισε
καγάν’	δρεπάνι
καίγ’νε	καίνε
καρδίας	(τη, γεν.) καρδιάς, (τα, ονομ. πληθ.) καρδιές
κερεντίζω	κόβω χόρτα με την κόσσα	գերանդի (gerandi)
κιπρίτ’	σπίρτο	kibrit/kibrīt
ντ’ άγνα	τι περίεργα; τι αλλόκοτα; τι αξιοθαύμαστα;
όθεν	όπου, οπουδήποτε, σε όποιον
όλ’	όλοι/α
ομμάτι͜α	μάτια
ορμάν’	δάσος	orman
σεβνταλήδες	ερωτοχτυπημένοι, ερωτευμένοι	sevdalı
τερούν	κοιτούν
τρυγόνα	το πουλί τρυγόνι, χαϊδευτική προσφώνηση γυναίκας
φάζω	ταΐζω
φωλέα	φωλιά
φωτίας	(γεν.ενικ.) φωτιάς, (ον.πληθ., τα) φωτιές
χορτάρ’	χορτάρι
ψ̌ην	ψυχή