Εστάλτσες με σ’ άψιμον

Προβολή Τραγουδιού

Καλλιτέχνες: Κώστας Κασιμίδης, Χρήστος Ιωαννίδης

Κόρη, ση στράταν ντο δι͜αβαίντς
τριαντάφυλλα φυτρών’νε
Με τα δάκρυ͜α μ’ επότ’σα τα,
εμέν θα φαρμακών’νε

Ε! ουρανέ μ’, τα νύχτας ι-σ’
τ’ άστρα όλια φωτάζ’νε
Τερώ να ευρήκω απ’ ατά
ποία τ’ αρνί μ’ ομοι͜άζ’νε

Κόρη, η καρδι͜ά σ’ σίδερον
εμέναν ’κι λυπάσαι
Εστάλτσες με απέσ’ σ’ άψιμον
κι ερρούξες και κοιμάσαι

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
ατά	αυτά
άψιμον	φωτιά
δι͜αβαίντς	(για τόπο) περνάς, διασχίζεις, (για χρόνο) περνάς	διαβαίνω
επότ’σα	πότισα
ερρούξες	έπεσες
εστάλτσες	σταμάτησες, έστησες κάτι όρθιο, στήριξε, στερέωσες
ευρήκω	βρίσκω
’κι	δεν	οὐκί<οὐχί
νύχτας	(ον.πληθ.,τα) νύχτες
όλια	όλα
ομοι͜άζ’νε	ομοιάζουν, μοιάζουν
τερώ	κοιτώ
φαρμακών’νε	φαρμακώνουν
φυτρών’νε	φυτρώνουν
φωτάζ’νε	φωτίζουν, λάμπουν