Καρδίας λογόπα

Προβολή Τραγουδιού

Στιχουργοί: Αλέξανδρος Παρχαρίδης, Ελένη Βασιλειάδου-Κυριακίδου

Καλλιτέχνες: Κώστας Κασιμίδης, Χρήστος Ιωαννίδης

Εγώ εθάρρ’να θ’ απομέντς
κι εσύ είπες με θα φεύ’ς -ι
Ατώρα ’κ’ έν’ να κλώσ̌κεσαι
μιγκίν να μ’ αραεύ’ς - ι

Καρδι͜άς λογόπα λέω σε,
εσέν να καντουρεύω
Σο γιάνι μ’ κιάν’ να θέκω σε,
εσέν να λαλαχ̌εύω

Στράτας πολλά χωρίζ’νε μας,
καγκέλια και μαγκέλια
Τα δάκρυ͜α μουν ατσούρωτα
χ̌υμίουν άμον σέλια

Καρδι͜άς λογόπα λέω σε,
εσέν να καντουρεύω
Σο γιάνι μ’ κιάν’ να θέκω σε,
εσέν να λαλαχ̌εύω

Θυμάσαι όντες είπες με:
«Δίχως εσέν ’κ’ ευτάω»;
Εκράτεσα ’το απέσ’ σην ψ̌η μ’
μετ’ ατό ζω και πάω

Καρδι͜άς λογόπα λέω σε,
εσέν να καντουρεύω
Σο γιάνι μ’ κιάν’ να θέκω σε,
εσέν να λαλαχ̌εύω

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απέσ’	μέσα
απομέντς	απομένεις
αραεύ’ς	ψάχνεις, αναζητάς, γυρεύεις	aramak
ατσούρωτα	αστέρευτα	α- + σειρώ=εκκενώνω, αδειάζω
ατώρα	τώρα
γιάνι	πλάι, πλευρό	yan
εθάρρ’να	θαρρούσα, πίστευα, νόμιζα
εκράτεσα	κράτησα
έν’	είναι
ευτάω	κάνω, φτιάχνω	εὐθειάζω
θέκω	θέτω, τοποθετώ, βάζω
’κ’	δεν	οὐκί<οὐχί
καντουρεύω	ξεγελάω, εξαπατάω, κοροϊδεύω	kandırmak
κιάν’	και άνω, και εξής, και πέρα
κλώσ̌κεσαι	γυρίζεις, επιστρέφεις
λαλαχ̌εύω	χαϊδεύω, ανατρέφω παιδί με χάδια
λογόπα	λογάκια
μετ’	μαζί με (με αιτιατική), με (τρόπος)
μιγκίν	πιθανός τρόπος, δυνατότητα	mümkün/mumkin
μουν	μας
όντες	όταν
πολλά	(επίθ.) πολλά, (επίρρ.) πολύ
σέλια	χείμαρροι, πλημμύρες	sel/seyl
στράτας	(ονομ.) δρόμοι, (αιτ.) δρόμους
’το	αυτό, το (προσωπική αντωνυμία)
φεύ’ς	φεύγεις
χ̌υμίουν	γλιστρούν προς τα κάτω, κατολισθαίνουν	χύμα
χωρίζ’νε	χωρίζουν, ξεδιαλέγουν
ψ̌η	ψυχή