Νε ρίζα μ’ και στερέα μ’

Προβολή Τραγουδιού

Καλλιτέχνες: Γιώργος Ακριβόπουλος, Στάθης Νικολαΐδης

Με το μέλ’, με το βούτορον,
κόρ’, είσαι ζυμωμέντσα
Με τη Χριστού τα δάχτυλα
είσαι ζωγραφισμέντσα

Νε ρίζα μ’, νε στερέα μ’,
για κλώστ’ σ’ εμέν μερέαν
Ας ελέπω τον πρόσωπο σ’,
σο μάγ’λο σ’ την ελαίαν

Να ζει ο κύρ’ π’ εποίν’νε σε,
η μάνα π’ εζωγράφ’σεν
(Κι) Όλια τα κάλλη τη Θεού
σον πρόσωπο σ’ εχάρτσεν

Νε ρίζα μ’, νε στερέα μ’,
για κλώστ’ σ’ εμέν μερέαν
Ας ελέπω τον πρόσωπο σ’,
σο μάγ’λο σ’ την ελαίαν

Με το μαντίλ’ ντ’ εχάρτσα σε
σ̌κέπασον τα μαλλία σ’
Ο ήλιον κρούει σον πρόσωπο σ’,
χαλάν’ την εμορφία σ’

Νε ρίζα μ’, νε στερέα μ’,
για κλώστ’ σ’ εμέν μερέαν
Ας ελέπω τον πρόσωπο σ’,
σο μάγ’λο σ’ την ελαίαν

Γλωσσάρι

Κείμενο	Επεξήγηση	Ετυμ. Ρίζα
βούτορον	βούτυρο
εζωγράφ’σεν	ζωγράφισε
ελαίαν	ελιά
ελέπω	βλέπω
εμορφία	ομορφιά
εποίν’νε	έκανε, έφτιαχνε	ποιέω-ῶ
εχάρτσα	χάρισα
εχάρτσεν	χάρισε
ζυμωμέντσα	ζυμωμένη
ζωγραφισμέντσα	ζωγραφισμένη, ζωγραφιστή
κλώστ’	(προστ.) γύρνα/γύρισε, επέστρεψε
κρούει	χτυπάει	κρούω
κύρ’	πατέρα
μάγ’λο	μάγουλο	magulum
μέλ’	μέλι
μερέαν	μεριά
όλια	όλα
σ̌κέπασον	(προστ.) σκέπασε
στερέα	στήριγμα
χαλάν’	χαλάω/ει, καταστρέφω/ει