Εθόλωσαν τ’ ομματόπα μ’

Προβολή Τραγουδιού

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Έλα, αρνί μ’, ας σα μακρά!
Έλα, λέγω σε!
Έφαγα το καρδόπο μ’
κι αναμένω σε
[Αχ! κι αναμένω σε]

Έλα, αρνί μ’, ας σα μακρά,
να λελεύω σε!
Λάσκουμαι σα ερημίας
κι αραεύω σε
[Εχ! κι αραεύω σε]

Τα ομούτι͜α μ’ έκοψα,
ετελείωσα
Εθόλωσαν τ’ ομματόπα μ’
και εδείσωσαν
[Αχ! και εδείσωσαν]

Τα στράτας πολλά μακρά,
εμέναν ν’ αηλί!
Πολλά η αροθυμία σ’
σην ψ̌η μ’ έν’ βαρύν
[Αχ! σην ψ̌η μ’ έν’ βαρύν]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
αραεύω	ψάχνω, αναζητώ, γυρεύω	aramak
αροθυμία	νοσταλγία
εδείσωσαν	σκεπάστηκαν από ομίχλη
έν’	είναι
ερημίας	ερημιές
καρδόπο	καρδούλα
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
λελεύω	χαίρομαι
μακρά	(επιρρ.) μακριά, (επιθ.) μακρινά, απομακρυσμένα
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ομματόπα	ματάκια
ομούτι͜α	ελπίδες	umut
πολλά	(επίθ.) πολλά, (επίρρ.) πολύ
στράτας	(ονομ.) δρόμοι, (αιτ.) δρόμους
ψ̌η	ψυχή