Τη μα̤ντιλί’

Προβολή Τραγουδιού

Καλλιτέχνες: Χρήστος Ακριτίδης, Χρήστος Ασφαλτίδης

Τη μα̤ντιλί’ θα παίζομε -ν-
εμπάτε σο χορόν -ι
Ας σην πατρίδαν έθιμον
ξυρίεται ο γαμπρόν -ι

Γιοσμάς θερίον ο γαμπρόν
αγγέλου εμορφάδαν
Σο γιάν’ ατ’ κιάν’ ο κούμπαρον
ατός κρατεί λαμπάδαν

Παιδία, εμπάτε σο χορόν
λαΐξτεν τα μα̤ντίλι͜α
Κι η μάνα σο παιδίν ατ’ς δί’
ατό -ν- ευχ̌ία χ̌ίλι͜α

Ολόερα -ν- ας σον γαμπρόν
τη μα̤ντιλί’ χορέψτεν
Η νύφε αναμέν’ μας -ε
ατέναν τονατέψτεν

Γλωσσάρι

Κείμενο	Επεξήγηση	Ετυμ. Ρίζα
αναμέν’	περιμένει
ατέναν	αυτήν
ατός	αυτός
ατ’ς	αυτής, της
γιάν’	πλάι, πλευρά	yan
γιοσμάς	κομψός, λεβέντης νέος	yosma
δί’	δίνει
εμορφάδαν	ομορφιά
ευχ̌ία	ευχές
θερίον	θηρίο
κιάν’	και άνω, και εξής, και πέρα
κρατεί	κρατάει, βαστάει, στέκει, αντέχει
λαΐξτεν	(προστ.) κουνήστε πέρα-δώθε
νύφε	νύφη
ξυρίεται	ξυρίζεται
ολόερα	ολόγυρα
παιδία	παιδιά
τονατέψτεν	(προστ.) διακοσμήστε, στολίστε, (για τραπέζι) στρώστε μεγαλοπρεπώς, καλλωπίστε	donatmak
χορέψτεν	(προστ.) χορέψτε