Πού κέσ’ είσαι;

Προβολή Τραγουδιού

Καλλιτέχνες: Μπάμπης Ιορδανίδης, Μπάμπης Κεμανετζίδης

Πού κέσ’ είσαι, πού κοιμάσαι
και -ν- εμέν ξάι ’κι θυμάσαι; [ωφ! ωφ!]
Πού κέσ’ είσαι, πού κοιμάσαι;
Τον Θεόν ξάι ’κι φοάσαι! [ωφ! ωφ!]

Χ̌ίλια νύχτας ’κι κοιμούμαι
για τ’ εσέναν παλαλούμαι
’Κι ανασπάλλω σε! [έι!]
Και τα πόρτας ’κι κλειδώνω,
κάθουμαι και μαραζώνω
Την ψ̌η μ’ τάζω σε! [έι!]

Κλώστ’ οπίσ’ χαρά να δί’ς με
άλλο, ψ̌η μ’, μη τυρα̤ννί͜εις με [ωφ! ωφ!]
Κλώστ’ οπίσ’ κι εγώ, πουλόπο μ’,
χαλίν θα ευτάγω το καρδόπο μ’ [ωφ! ωφ!]

Χ̌ίλια νύχτας ’κι κοιμούμαι
για τ’ εσέναν παλαλούμαι
’Κι ανασπάλλω σε! [έι!]
Και τα πόρτας ’κι κλειδώνω,
κάθουμαι και μαραζώνω
Την ψ̌η μ’ τάζω σε! [έι!]

Θεέ μ’, εμέν πα ολίγον τέρεν,
την εγάπη μ’ οπίσ’ φέρεν [ωφ! ωφ!]
Με τον Χάρον εσυγγενεύτα
και τον φέγγον επουγαλεύτα [ωφ! ωφ!]

Χ̌ίλια νύχτας ’κι κοιμούμαι
για τ’ εσέναν παλαλούμαι
’Κι ανασπάλλω σε! [έι!]
Και τα πόρτας ’κι κλειδώνω,
κάθουμαι και μαραζώνω
Την ψ̌η μ’ τάζω σε! [έι!]

Γλωσσάρι

Κείμενο	Επεξήγηση	Ετυμ. Ρίζα
ανασπάλλω	ξεχνώ
δί’ς	δίνεις
εγάπη	αγάπη
επουγαλεύτα	έσκασα, βαρέθηκα, στενοχωρέθηκα	bunalmak
ευτάγω	κάνω, φτιάχνω	εὐθειάζω
καρδόπο	καρδούλα
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
κλειδώνω	κλείνω κτ με κλειδαριά, (αμτβ.) κλείνω, συναρμόζω, συμπλέκω
κλώστ’	(προστ.) γύρνα/γύρισε, επέστρεψε
κοιμούμαι	κοιμάμαι
νύχτας	(ον.πληθ.,τα) νύχτες
ξάι	καθόλου
ολίγον	λίγο
οπίσ’	πίσω
πα	πάλι, επίσης, ακόμα
παλαλούμαι	τρελαίνομαι
πόρτας	(ονομ.πληθ.) πόρτες	porta
πουλόπο	πουλάκι
τέρεν	(προστ.) κοίταξε
τυρα̤ννί͜εις	τυραννάς, ταλαιπωρείς
φέγγον	φεγγάρι
φέρεν	(προστ.) φέρε
φοάσαι	φοβάσαι
ψ̌η	ψυχή