Προβολή Τραγουδιού
Εντάμαν εντάμαν |
Τ’ εμόν ο φίλονΣτιχουργοί: Ιωάννης Κοσμίδης
Συνθέτες: Μπάμπης Κεμανετζίδης
Καλλιτέχνες: Μπάμπης Ιορδανίδης, Μπάμπης Κεμανετζίδης
Το πόι σ’ το παντέμορφον με τ’ ομμάτι͜α μ’ θ’ αλμέγω Λελεύω τα χορόντας ι-σ’, εσέν κορτσόπον, εγώ Εντάμαν, εντάμαν να ’ίνουτον το θάμαν Κι εμέν, πουλί μ’, να ετίζευες ση καρδι͜άς ι-σ’ το ράμμαν Για τ’ ομματόπα σ’ τ’ έμορφα κακόν απόψ’ θα ευτάγω Όσον εσέν εγάπεσα κανείναν ’κι αγαπάω Εντάμαν, εντάμαν να ’ίνουτον το θάμαν Κι εμέν, πουλί μ’, να ετίζευες ση καρδι͜άς ι-σ’ το ράμμαν Ο κόσμον επέρεν άψιμον, κρούει τσάπας¹ για τ’ εσέναν Σο έμορφον το τίνιαγμα σ’, τρυγόν’, πα τέρ’ εμέναν Εντάμαν, εντάμαν να ’ίνουτον το θάμαν Κι εμέν, πουλί μ’, να ετίζευες ση καρδι͜άς ι-σ’ το ράμμαν Απόψ’ για τ’ εσέν λύγουμαι τσ̌ούξον με, Παναΐα! Για χάρτσον με το όνομα σ’ να γράφτ’ α’ σην καρδία μ’ Εντάμαν, εντάμαν να ’ίνουτον το θάμαν Κι εμέν, πουλί μ’, να ετίζευες ση καρδι͜άς ι-σ’ το ράμμαν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| α’ | (ατό) αυτό, το | ||
| άψιμον | φωτιά | ||
| εγάπεσα | αγάπησα | ||
| έμορφα | όμορφα | ||
| έμορφον | όμορφο | ||
| εντάμαν | μαζί | ||
| επέρεν | πήρε | ||
| ετίζευες | έβαζες στη σειρά, αράδιαζες | dizmek | |
| ευτάγω | κάνω, φτιάχνω | εὐθειάζω | |
| θάμαν | θαύμα | ||
| ’ίνουτον | γινόταν | ||
| κανείναν | κανένα | ||
| ’κι | δεν | οὐκί<οὐχί | |
| κορτσόπον | κοριτσάκι | ||
| κρούει | χτυπάει | κρούω | |
| λελεύω | χαίρομαι | ||
| λύγουμαι | λιώνω | ||
| ομμάτι͜α | μάτια | ||
| ομματόπα | ματάκια | ||
| πα | πάλι, επίσης, ακόμα | ||
| παντέμορφον | πανέμορφο/η | ||
| πόι | ύψος, μπόι | boy | |
| ράμμαν | χοντρή κλωστή, αρμαθιά καπνών περασμένα σε χοντρή κλωστή | ||
| τέρ’ | (προστ.) κοίταξε | ||
| τσ̌ούξον | (προστ.) λυπήσου, συμπόνεσε | acımak | |
| χάρτσον | (προστ.) χάρισε | ||
| χορόντας | (ονομ. τα) χοροί, (αιτ.) χορούς |
¹ κρούει τσάπας: χτυπάει παλαμάκια
