Προβολή Τραγουδιού

Άνθρωπε

Καλλιτέχνες: Μπάμπης Ιορδανίδης, Μπάμπης Κεμανετζίδης

Άνθρωπε, τέρεν ντ’ έπαθες
ση κάρδι͜ας ι-σ’ το μέρος
Εσέγκες έναν τρανόν λιθάρ’
εκόπες ας σο γέλος

Όλιον τη μέραν πολεμάς
να καζανεύ’ς παράδες
Πατείς ση γούλαν συγγενείς,
αδέλφι͜α και μανάδες

Επέζεψε σε ο Θεόν,
χάται η ευλογία
Πριν να ’γροικάς ντό έν’ ζωήν
έσπρυναν τα μαλλία σ’

Όλιον τον βίο σ’ να μετράς,
πολλά ’κι θα εβγαίν’νε
Τα έμορφα τα ώρας ι-σ’
ποτήρ’ ’κι θα γομών’νε

Γλωσσάρι

Κείμενο	Επεξήγηση	Ετυμ. Ρίζα
βίο	βιος, περιουσία
γέλος	γέλιο, περίγελος
γομών’νε	γεμίζουν, μτφ. κομπιάζουν
γούλαν	λαιμό	gula
’γροικάς	καταλαβαίνεις
εβγαίν’νε	βγαίνουν
εκόπες	κόπηκες
έμορφα	όμορφα
έν’	είναι
επέζεψε	βαρέθηκε, κουράστηκε	bezmek
εσέγκες	έβαλες, εισήγαγες
έσπρυναν	άσπρισαν
καζανεύ’ς	κερδίζεις, αποκτάς	kazanmak
’κι	δεν	ουκί<οὐχί
λιθάρ’	λιθάρι, πέτρα
παράδες	λεφτά, χρήματα	para/pāre
πολλά	πολλά (επίθ.), πολύ (επίρ.)
τέρεν	κοίταξε (προστ.)
χάται	χάνεται
ώρας	ώρες