Η μάνα

Προβολή Τραγουδιού

Καλλιτέχνες: Κωστάκης Πετρίδης, Χρήστος Χαραλαμπίδης

Η μάναν όνταν αποθάν’
και παίρ’ν’ ατεν και πάγ’νε [γιαρ]
Όλια τ’ έμορφα -ν- τη κοσμί’
έναν παράν ’κ’ ευτάγ’νε [γιαρ]

Η μάνα -ν- όνταν αποθάν’
ο ήλιον πα τελείται [γιαρ]
Ποισέστεν ας έν’ ελαφρύν
το χώμαν ντο θα κείται [γιαρ]

Τα άστρα -ν- όλια χάν’ντανε
όνταν χάται κι εκείνε [γιαρ]
Τα χ̌έρι͜α ντο θα σ’κών’ ατεν
πολλά λαφρέα ας είναι [γιαρ]

Η μάνα -ν- όνταν αποθάν’
προτού να φεύ’ ακόμαν, [γιαρ]
ατός ατέναν που θα θάφτ’
ας κοσ̌κινίζ’ το χώμαν [γιαρ]

Γλωσσάρι

Κείμενο	Επεξήγηση	Ετυμ. Ρίζα
αποθάν’	πεθαίνει
ατεν	αυτήν
ατέναν	αυτήν
ατός	αυτός
γιαρ	αγαπητός/ή/ό, αγάπη	yâr
εκείνε	εκείνη
έμορφα	όμορφα
έν’	είναι
ευτάγ’νε	κάνουν, φτιάχνουν	εὐθειάζω
θάφτ’	θάβω/ει
’κ’	δεν	οὐκί<οὐχί
κείται	κείτεται, ξαπλώνει
κοσμί’	κόσμου
λαφρέα	ελαφριά
όλια	όλα
όνταν	όταν
πα	πάλι, επίσης, ακόμα
πάγ’νε	πηγαίνουν, έφυγαν, πάνε
παίρ’ν’	παίρνουν
παράν	λεφτά, το χρήμα	para/pāre
ποισέστεν	(προστ.) κάνετε, φτιάξτε
πολλά	(επίθ.) πολλά, (επίρρ.) πολύ
σ’κών’	σηκώνω/ει
τελείται	(αμτβ.) τελειώνει, εξαντλείται, μτφ. πεθαίνει
φεύ’	φεύγει
χάν’ντανε	χάνονται, διώχνονται
χάται	χάνεται	atmak