Αν έν’ και πας σο χάλαμαν

Προβολή Τραγουδιού

Καλλιτέχνες: Γιώργος Σιαπανίδης, Κώστας Σιαμίδης

Αν έν’ και πας σο χάλαμαν,
[ωχ! και -ν-] αν έν’ και πας σον Άδην [νέι]
[ωχ! και] με τ’ άκλερους μη κάθεσαι,
[ωχ! και] με τοι λερούς μη σ’κούσαι [νέι]
[Ωχ! Και] Με τοι χ̌ιλι͜οχρονίτας ι-μ’
[ωχ! και -ν-] ένα βραδήν μη στέκεις
[Αχ!] Σον Άδ’ χαράν ’κι ’ίνεται,
[ωχ! και] μουράτιν ’κι πλερούται, [νέι]
[ωχ! και] τα παίγνιας ’κι ακουσ̌κεύκουνταν,
[ωχ! και] χορός ’κι αποδιπλούται [νέι]

Γλωσσάρι

Κείμενο	Επεξήγηση	Ετυμ. Ρίζα
άκλερους	άκληρους, φτωχούς, δυστυχείς, ταλαίπωρους
ακουσ̌κεύκουνταν	ακούγονται
αποδιπλούται	ξεδιπλώνεται
βραδήν	βράδυ
έν’	είναι
’ίνεται	γίνεται
’κι	δεν	οὐκί<οὐχί
λερούς	άπλυτους, λερωμένους
μουράτιν	επιθυμία, πόθος	murat/murād
παίγνιας	παιδιά, παιχνίδια, μουσικά όργανα
πλερούται	πληρώνεται, εκπληρώνεται
σ’κούσαι	σηκώνεσαι
τοι	τους/τις
χ̌ιλι͜οχρονίτας	χιλιετείς, πανάρχαιοι
χάλαμαν	χαλασμός, καταστροφή, όλεθρος, αφανισμός