Έκαψαν την καρδία μ’

Λελεύω σε, λελεύω σε,
βρούλαν έψ̌ες σην καρδι͜ά μ’
κι έκαψες το καρδόπο μ’
εποίκες τρανόν γεράν

Όι, όι, όι αμάν,
έκαψαν την καρδία μ’
τ’ ολήμαυρα τ’ ομματόπα σ’
κι ατά τα τσ̌αλουμόπα σ’

Εγώ εσέν εγάπανα
κι απ’ εσέναν εκάγα
Ετυράνντσες τη ζωή μ’
κι εφαρμάκωσες την ψ̌η μ’

Όι, όι, όι αμάν,
έκαψαν την καρδία μ’
τ’ ολήμαυρα τ’ ομματόπα σ’
κι ατά τα τσ̌αλουμόπα σ’

Αλλό εσέν ’κι θέλω,
μαναχός θέλω να ζω
Μόνον έναν ’κ’ επορώ
τ’ ομμάτι͜α σ’ ν’ ανασπάλω

Όι, όι, όι αμάν,
έκαψαν την καρδία μ’
τ’ ολήμαυρα τ’ ομματόπα σ’
κι ατά τα τσ̌αλουμόπα σ’

Δος με δύναμην, Θεέ μ’!
Πρέπ’ ν’ ανασπάλ’ ατεν
Γιατί ’κ’ έτον για τ’ εμέν
ας σο νου μ’ να χάν’ ατεν / ’βγάλ’ ατεν

Όι, όι, όι αμάν,
έκαψαν την καρδία μ’
τ’ ολήμαυρα τ’ ομματόπα σ’
κι ατά τα τσ̌αλουμόπα σ’