Τα τέρτια και τα βάσανα

Προβολή Τραγουδιού

Τα τέρτι͜α και τα βάσανα
και όλι͜α τ’ αροθυμίας
’Τοπλαεύτανε απέσ’ σην ψ̌η μ’,
σ’ άχαρον την καρδία μ’

Τα τέρτι͜α μ’ όλι͜α να λέγω
μερών’ και ’κι τελείνταν
Απ’ έναν - έναν βάσανον
σην ψ̌η μ’ απέσ’ ντο κείνταν

Η καρδι͜ά μ’ έντονε τερτλίν
πολλά τυρα̤ννιμένον
Τα πόνι͜α εγρίβωσαν σην ψ̌η μ’
το παραπονεμένον

Καρδι͜ά μ’, σα τέρτι͜α βάσταξον
και σην τυρα̤ννισίαν
άμον εείνον το ραχ̌ίν
ση βαρυχ̌ειμωνίαν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απέσ’	μέσα
αροθυμίας	(γεν.) νοσταλγίας, (πληθ.) νοσταλγίες
βαρυχ̌ειμωνίαν	βαρυχειμωνιά
βάσταξον	(προστ.) βάσταξε, άντεξε, κράτα
εγρίβωσαν	προσκολλήθηκαν, γαντζώθηκαν	αγριφώνω<agrafer<grappa
έντονε	έγινε
κείνταν	κείτονται, ξαπλώνουν
’κι	δεν	οὐκί<οὐχί
μερών’	μερώνει, ξημερώνει
πολλά	(επίθ.) πολλά, (επίρρ.) πολύ
πόνι͜α	πόνοι
ραχ̌ίν	βουνό, ράχη
τελείνταν	(αμτβ.)τελειώνουν, εξαντλούνται, μτφ. πεθαίνουν
τέρτι͜α	καημοί, βάσανα, στενοχώριες	dert
τερτλίν	καημένο, βασανισμένο, στενοχωρημένο	dertli
’τοπλαεύτανε	(ετοπλαεύτανε) μαζεύτηκαν, συγκεντρώθηκαν	toplamak
τυρα̤ννιμένον	τυραννισμένο/η, ταλαιπωρημένο/η
τυρα̤ννισίαν	τυράννια, ταλαιπωρία
ψ̌η	ψυχή