Εμάεψες με, γιαβρίκα μ’

Προβολή Τραγουδιού

Καλλιτέχνες: Δημήτρης Λαζαρίδης, Σάββας Λαζαρίδης

Εμάεψες με, γιαβρίκα μ’,
αρ’ έ͜εις με μαγεμένον
Αναμεσά σα μαλλόπα σ’
αρ’ έ͜εις με συμπλεκ’μένον

Εμάεψες με, γιαβρίκα μ’,
κι ας σο φαΐν εκόπα
Λύουμαι όντες τερούνε με
και τ’ εσά τ’ ομματόπα

Εμάεψες με, γιαβρίκα μ’,
ύπνος ’κι πιάν’ τ’ απάν’ ι-μ’
Ατό η εμορφάδα σου
εσέβεν σο κιφάλι μ’

Γλωσσάρι

Κείμενο	Επεξήγηση	Ετυμ. Ρίζα
αναμεσά	ανάμεσα
απάν’	πάνω
αρ’	εισάγει ή τονίζει πρόταση με ποικίλες σημασιολογικές αποχρώσεις: λοιπόν, άρα, έτσι, επομένως, δηλαδή, τέλος πάντων, τώρα, άντε, με χροιά παρότρυνσης ή επίγνωσης, όπως το τουρκ. ha	ἄρα
ας σο	απ’ το	ασό σο (από το)
γιαβρίκα	(υποκορ.) μωρό, μικρό, παιδί	yavru
έ͜εις	έχεις
εκόπα	κόπηκα
εμάεψες	μάγεψες
εμορφάδα	ομορφιά
εσά	δικά σου/σας
εσέβεν	μπήκε
’κι	δεν	οὐκί<οὐχί
κιφάλι	κεφάλι
λύουμαι	λιώνω
μαλλόπα	μαλλάκια
ομματόπα	ματάκια
όντες	όταν
πιάν’	πιάνει
συμπλεκ’μένον	συμπλεγμένο
τερούνε	κοιτούν