Οφέτος/Εμάεψες με

Πουλόπο μ’, χ̌ιλι͜οπλούμιστον
ντ’ έμορφα κελαηδείς; -ι
Αν πας ελέπ’ς το αρνόπο μ’
[Οφέτος, οφέτος]
χ̌αιρετίας να δί’ς -ι

Εγώ είμαι εκείνον το πουλίν
ντ’ εβγάλλω τραγωδίας
Κορτσόπον, αν ’κι παίρτς εμέν
[Οφέτος, οφέτος]
ευτάγω σε μαγίας

♫

Εμάεψες με, πουλόπο μ’,
αρ’ έ͜εις με μαεμένον
Αναμεσά σα μαλλόπα σ’
αρ’ έ͜εις με συμπλεγμένον

Γιά μάισσα μάνα εποίκε σε
γιά μαϊσσωμένον είσαι
Αφήντς εμέν το παλληκάρ’
και μαναχόν πας κείσαι